Владата објави јавен повик на кои општините може да аплицираат за инфраструктурни капитални проекти. Со овие пари, соопштија од Влада ќе се реализираат нови градинки, училишта, улици, атмосферски и фекални канализации, спортски сали, водоводни мрежи и други проекти.
„Овие проекти во вредност од 250 милиони евра се достапни за сите граѓани и ги повикуваме сите општини да аплицираат на јавниот повик“, се вели во соопштението од владината прес-служба.
Јавниот повик, кој може да се најде на веб страницата на Министерството за локална самоуправа ги соддржат потребните информации за општините како подносители на проекти.
Начин и рок на аплицирање
Заинтересираните корисници ги поднесуваат апликативните формулари (линк) до Министерството за локална самоуправа – Комисија за постапување по овој јавен повик, во рок од 7 (седум) дена од денот на објавување на овој повик. Комисијата врши прибирање на апликативните формулари кои што заинтересираните корисници ги доставуваат до Министерство за локална самоуправа.
Комплетната проектна документација по однос на апликативниот формулар, заинтересираните корисници потребно е да ја достават до надлежното министерство во рок 10 дена од денот на доставување на апликативниот формулар до Министерството за локална самоуправа.
Критериуми
Во зависност за како инфраструктурен проект се работи, општините критерумите што како апликанти треба да ги исполнуваат можат да ги најдат на веб страниците на ресорните министерства: Министерство за транспорт, Министерство за социјална политика,, демографија и млади, Министерство за животна средина и просторно планирање, Министерство за образование и наука и Министерство за спорт.
Независно каде ќе сака општината да аплицира распределбата на средствата министерствата ќе ја вршат според два критериуми:
-Распределба на обезбедените финансиски средства според глава на жител од резидентното население во секоја општина согласно последниот попис во Република Северна Македонија.
-Комплетноста на потребната проектна документација со сите потребни дозволи и согласности, со реведирана предмер пресметка не постара од 12 месеци.
Проверката на комплетност и валидност, селекција на проектите ќе ја изврши евалуационата комисија и ќе достави предлог за избор на проекти за финансирање до соодветно министерство, односно министер. Министерствата ќе достават предлог Одлука за користење капитални дотации за инфраструктурни проекти за општините за 2024 година до Владата на Република Северна Македонија. По донесување на одлуката должни се веднаш да ги доделат договорите за капитални дотации.
