Против поранешниот градоначалник на Кочани Р.Д.(61) поднесена е кривична пријава од страна на Надворешната канцеларија за криминалистички работи – Кочани поради основано сомнение за сторено кривично дело „злоупотреба на службената положба и овластување“.
„Пријавениот, како градоначалник на Кочани, од декември 2013 година до април 2014 година, без претходно донесена одлука од Советот на општина Кочани за субвенционирање на градскиот превоз на подрачјето на општината, склучил Договор за вршење јавен градски превоз за пробен период со „Авто Атом“ ДОО Кочани, врз основа на којшто, за секој продаден билет на превозникот, општината субвенционира половина од износот. На овој начин, пријавениот му овозможил на „Авто Атом“ ДОО Кочани да се стекне со противправна имотна корист, а го оштетил буџетот на општина Кочани за 3.000.690 денари“, соопшти МВР.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
