Украинскиот министер за надворешни работи Дмитро Кулеба изјави дека се сретнал со американскиот државен секретар Ентони Блинкен во Берлин и дека „повеќе оружје и друга помош се на пат за Украина“.
Кулеба денеска во Берлин треба да ги информира министрите за надворешни работи на НАТО за ситуацијата во Украина и за тоа како Алијансата може дополнително да помогне во борбата против руската инвазија која трае 12 недели.
„Се договоривме за тесна соработка за да обезбедиме храната што ја извезува Украина да стигне до потрошувачите во Африка и Азија. Благодарен сум на секретарот Блинкен и на САД за нивното лидерство и силната поддршка“, напиша Кулеба на Твитер.
Двајцата разговараа за ефектите од руската инвазија на Украина, вклучувајќи ги и ефектите врз безбедноста на храната во светот, изјави портпаролот на американскиот Стејт департмент Нед Прајс.
„Секретарот пренесе детали за последниот дел од американската безбедносна помош за зајакнување на одбраната на Украина“
