Косовскиот премиер Албин Курти на комеморативната академија по повод 27-годишнината од епот на Ослободителната војска на Косово рече дека нема да има помирување со Србија додека Србија не само што не побара прошка, туку вети дека ќе го повтори геноцидот врз Косово штом ќе се укаже прилика,пишуваат косовските медиуми,пренесува ЦИВИЛ Медиа.
„Како може да се направи ова помирување без да се признае вината, кога агресорот не само што не бара прошка, туку вети дека ќе го повтори делото во првата прилика што ќе му се укаже. Србија не се опорави од косовскиот комплекс. Србија, највооружената земја во нашиот регион, најблискиот сојузник на Русија, која го сака Косово како дел од својата државна територија, која одржува офанзивни бази на полицијата и жандармеријата на првата линија на нашата граница“, рече тој.
Тој во оваа прилика рече дека војните му припаѓаат само на минатото, а тие се вратија во овој век на европскиот континент. Курти зборуваше за инвестициите што ги прави државата за армијата.
Д. Т.
