Лавина реакции 
на социјалните мрежи откако на средбата на постојаните претставници на земјите членки на ЕУ во Брисел, се потврди она што одамна беше најавувано, се разделуваат Северна Македонија и Албанија на патот кон ЕУ. Албанија ги почнува преговорите за членство во ЕУ на 15 октомври, со отварањето на првиот кластер „Темелни вредности“ на меѓувладината конференција меѓу ЕУ и Албанија што ќе се одржи во Луксембург. Северна Македонија останува во чекалната.
Ви пренесуваме дел од реакциите:
„Во борба, во борба, македонски народе, нема друго, тоа што го исравте во последните десет години јадејки ја помијата на вмро, посебно на изборите, морате да си го соберете и закопате во сопствените дворови. Потоа, со чист г’з, во напад на говњарите што од вас направија магариња, мајмуни и идиоти.
Или уште сте разочарани од Шарената?
Хехехе!
Тоа беше единствен политички граѓански подвиг на луѓето кои до скоро беа обликувани како нација, а денеска не се ништо.
Патиштата со Албанија можат да ни се вкрстат само ако се иселиме во Албанија или ако станеме Албанија односно ако го оставиме Мицко сам да ги брани националните интереси на државата што ја уби.
Граѓанска непослушност, анархистички имдувидуализам, децентрализација, презир кон говњарската власт, протести, мирни и насилни и на крајот:
Револуција!
Тоа е, драги мои!“, пишува Бранко Тричковски.
*
Инвестиција во Пустец, од денес тоа изгледа многу перспективно за нас граѓаните на новата Белорусија на Западен Балкан, пишува Џељал Хоџиќ.
*
Од утрово доста бучно забревтаа медиумиве и овде и во регионов со главната вест за македонско доброутро според чија содржина, на маргините на Генералното собрание на ООН во Њујорк, по овдешно време таму ноќеска, министрите за надворшни на ЕУ го пресекле учкурот со кој нашата популистички и инаетлива политика, овој наш западен сосед неправедно и предолго го држевме врзан за нас и тој закотвен овде на каливлиов Балкан па, ноќеска, на ЕУ ѝ пукнал филмот, си го оттргна нашиот сосед од нас тој слободно да си зачекори по развојниот европски пат, а ние, ние нели, кажано и во оваа една реченица, гордо да си продолжиме да си се препелкаме во ова наше македонско коруптивно котле за кое од далечниот Њујорк ноќеска ЕУ реши: Албанија напред – Македонија остав, пишува Зоран Иванов.
*
Пред некој ден Бозо беше во Брисел да им го објасни „планот“ на Европјаните односно да ја сподели фрустрацијата, дека го боли, дека го пече. Се враќа од Брисел и Европјаните велат океј Албанија се одвојува од Македонија во процесот, пишува Sveste tese@sveste_tese.
*
Нови услови за влез во ЕУ во најава! Бевме на исто скалило со Хрватска. Сега не сме ни со Албанија. Глуп народ и дефинитивно. Велам браво, простаци вмровски и неутрала!, пишува deni_sum_jas@DeniLazeski
*
Веста дека Албанија и официјално ја претрка Македонија на европскиот пат, Премиерот на нашата земја ја дочека скромно, во друштво на најблиските. Со Орбан, пишува Гласна.@Bosonogata.
Поддршка за Мицкоски за „неприфаќањето диктат од ЕУ“
Премиерот Христијан Мицкоски истакна дека не прифаќам диктат и на Албанија и посака успех, со надеж дека „можеби еден ден нашите патишта повторно ќе се сретнат на траекторија кон членството во ЕУ“.
Ваквата изјава на премиерот наиде на воодушевување кај партиските подржувачи.
„Ова што нѐ одделија од Албанија е супер, сега може да ги гледате како ги д**** како Турците и никогаш нема да влезат. Ние треба да си ја оправиме државата сами, пупка судството да се искорени и Црпевци во затвор и конфискација на имот!, пишува @cherga_omnes.
Д. Муратов
