„Ќе се фокусирам на три клучни точки, особено што е она што ЕУ треба да го направи со оглед на дадените услови. Земјите челнки на ЕУ треба да се разбудат брзо и да покажат лидерство. ТОа даа се разбудат во овој нов мултиполарен свет каде ЕУ ќе биде и треба да биде еден од половите и да се разбудат за оваа глобална битка за вредности“, изјави Бојан Маричиќ, поранешен вицепремиер за европски прашања и министер за правда, граѓански активист, на првиот панел од меѓународната конференција „Украина и светот: Отпор против агресијата, победа над авторитаризмот“, насловен „ Отпор, мир и новата оска на автократијата“.
„ Најпрвин ЕУ треба да ја исцрта дефинитивната мапа на ЕУ, мапа која дефинитивно ќе ја вклучува Украина, Молдавија и земјите од Западен Балкан. Крајно време е ЕУ да ги дефинира своите граници и мислам дека го нема луксузот да ги изостават Западен Балкан, но исто така Украина и Молдавија“, изјави Маричиќ.
„ЕУ треба да биде спремна да ги брани и да се бори за своите вредности, но исто така и да инвестираат во своите политики и вредности. И тоа во одбрана, економија и социјалниот модел“, додаде Маричиќ.
