На изјавата на претседателот на ВМРО ДПМНЕ, Христијан Мицкоски, со соопштение реагираа од СДСМ. Од таму велат дека Христијан Мицкоски и ВМРО-ДПМНЕ се оние кои ги загрозуваат државните и националните интереси.
Без срам дури и лично самиот Мицкоски денеска си призна дека неговите ставови за процесот со Бугарија ги темели на „определени шпекулации“. Тоа ниту е чесно, ниту е одговорно однесување на шеф на парламентарна политичка партија, велат од таму.
Од СДСМ потенцираат дека секогаш кога државата е во битни периоди за евроинтеграцијата ВМРО-ДПМНЕ дејствува деструктивно во обид да го попречат евроинтегративниот процес.
Наместо да шири лажни вести и дезинформации, наместо да ги загрозува позициите на државата, Мицкоски да си даде оставка откако неговиот шеф Никола Груевски се најде на црната листа на САД поради сторените очигледни и судски потврдени криминали, стои во соопштението.