• Latest
Џабир Дерала

Мицкоски не може да биде како Заев, одамна ги прокоцка сите шанси

November 6, 2021
Created with the assistance of ChatGPT, an AI developed by OpenAI.

Кина – тивкиот партнер во војната на Путин

June 1, 2025
Фото: Скриншот од видео на ABC News (Australia)

Во Појасот Газа за еден ден загинаа најмалку 60 луѓе, а 284 се повредени

May 31, 2025

ЕУ: Законот за странски агенти ја оддалечува Грузија од европскиот пат

May 31, 2025
Фотографија: СДСМ

СДСМ на првата од низа прес конференции за трагедијата во Кочани: Прв заштитен од Коцевски и Мицкоски за Кочани е Дејан Салтировски

May 31, 2025
Стево Пендаровски, поранешен претседател на Северна Македонија (Фото: Б. Јордановска / ЦИВИЛ)

Пендаровски за Дојче Веле: Владата нема намера да оди кон ЕУ

May 31, 2025
Суми, Украина, 13 април 2025 (фото извор: објава од украинската амбасадорка Дир)

Наредена задолжителна евакуација на 11 погранични села во Сумскиот регион

May 31, 2025
ОЈО/ Фото Б. Ј., ЦИВИЛ

ОЈО: Данела Арсовска како службено лице да ги посочи парцелите за коишто се сомнева дека има незаконитости

May 31, 2025

Турските власти издадоа налози за апсење на 47 опозициски функционери, досега приведени 28

May 31, 2025
Фото: Скриншот од видео на официјалниот канал на White House

Трамп најави двојно зголемување на царините за увоз на челик, од 25 на 50 отсто

May 31, 2025
Ивон Величковски, 26 јуни 2024/ фото: Ариан Мехмети- ЦИВИЛ

Брисел насетува оти Мицкоски е подготвен да го жртвува и Извештајот во ЕП

May 31, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ВЕКТОР

Мицкоски не може да биде како Заев, одамна ги прокоцка сите шанси

Мицкоски, ни по толку изборни порази, катастрофални политички потези и неуспеси, цитиран во меѓународни извештаи како извор на дезинформации, политичар од подрумот на историјата, не даде оставка. Ако сега даде оставка, дали тоа ќе го направи подоблесен во очите на јавноста? Не. Тој безброј пати ја пропушти можноста да покаже доблест и морал

November 6, 2021 22:37
in ВЕКТОР, ПОЛИТИКА, СЛОБОДНА ЗОНА, ТОП 5
Џабир Дерала

Џабир Дерала

Share on FacebookShare on Twitter

ЏАБИР ДЕРАЛА

Гледам, деновиве во интернет медиумите и на социјалните мрежи, се одвива жива дебата со прашања за моралот, доследноста, интегритетот на… хм… политичарите. Се направија безброј компарации, анализи, прогнози и што-ќе-беше-да-беше… Се разбира, сето тоа придружено со бескрајниот шум на пропагандата за која слушаме дека била платена со вртоглави суми. Но тоа е нешто налик на белата врева (white noise) на која се навикнува човек, па дури може да му помогне и да заспие полесно (црн хумор).

Луѓето често бараат доблести таму каде што ги нема

Деновиве, прочитав и неколку одлични твитови, меѓу кои еден и од профилот „Вивиана“ кој го пренесоа повеќе портали. Еве го мојот скромен придонес кон оваа дебата околу интегритетот и моралот на некои политичари. И да не се лажеме, држам до тоа што го напишав веднаш по оставката на Зоран Заев, нека е тоа оценето од моите пријатели и како импулсивна реакција.

Луѓето често ги бараат доблестите таму каде што ги нема. Така и во овој случај. Прашањето е дали Мицкоски ќе ја има доблеста и моралната големина да даде оставка од партиската функција ако не успее да формира парламентарно мнозинство, со што ќе му се отвори можноста да формира влада. И се споредува со постапката на Зоран Заев.

Заев – Мицкоски: Непристојна споредба

Споредбата, дозволете да бидам директен, е лоша, би рекол, дури и апсурдна. Се работи за две спротивни сфаќања за тоа што е политика. Од едната страна се наоѓа деструкција и гола борба за власт, неугаслива жед за власт од лични и ниски побуди и мотиви. Од другата страна е сѐ друго, само не тоа (да не влегуваме во посебни описи и дефиниции, да не се возбудат Твитер „мудреците“).

Едноставно, неоправдано, па и непристојно и навредливо (кон Заев) е да се очекува од Мицкоски да покаже таков морал и интегритет, да понесе одговорност, па дури и да претера во тоа, како што премиерот во оставка го направи тоа. И тоа не еднаш.

Со спуштени панталони покрај шините

Ми текнува, кога во парламентот се гласаше за НАТО, Мицкоски не ја напушти пленарната сала во парламентот, но и не аплаудираше. Наместо тоа, се занимаваше со панталоните, му беа малку паднати, па ги поткрена неколку пати додека траеше аплаузот.

Така отприлика може да се опише сѐ што прави во политиката. Расипува и блокира колку што може, а кога брзиот воз на националните интереси го „шишнува“ со полна брзина, тој останува, со кренат нос и спуштени панталони покрај шините.

Политичар од подрумот на историјата

И сега, по некои десетина јавно искажани „гаранции“ дека е на прагот на формирање парламентарно мнозинство, тој можеби е најблиску до тоа, но ситуацијата не е ни оддалеку толку убедлива како што се чини на прв поглед. И нема зошто да се очекува дека ќе даде оставка ако не му успее ниту овој, 10-ти, 12-ти, не знам кој по ред, обид да ја залаже јавноста, а веројатно и себеси, дека е чекор поблиску до власта. Навистина, не треба ни да се бара, а уште помалку да се очекува од него да покаже морал.

Мицкоски, ни по толку изборни порази, катастрофални политички потези и неуспеси, цитиран во меѓународни извештаи како извор на дезинформации, политичар од подрумот на историјата, не даде оставка, а ниту еднаш и не покажа дека има таква намера. Ако сега даде оставка, дали тоа ќе го направи подоблесен во очите на јавноста? Не. Тој безброј пати ја пропушти можноста да покаже доблест и морал. Нема потреба сега да го менува курсот. Освен ако не сака да добие комплименти дека постапил морално со тоа што го следел примерот на Зоран Заев. Што би било крајно погрешна споредба.

И онака неговите приказни за мали деца не траат подолго од еден ден, а многу често и само по неколку минути. Доволно е среќен што живее во време кога се носеа историски одлуки, а тој ѕиркаше од својот подрум со чкртање на забите.

 


Текстот е личен став на Авторот. Creative Commons 4.0 (слободно преземање, со наведување на изворот и линкот)

 

 

Print Friendly, PDF & Email
Share33Tweet21Send

НАЈЧИТАНИ 5

  • Путин и Си ја гледаа парадата по повод Денот на победата во Москва. Фото: Скриншот од видео на WSJ News

    Си Џинпинг: Русија е наш вазал отсега па натаму

    92 shares
    Share 37 Tweet 23
  • (ВИДЕО) Експлозија во Ставропол го уби рускиот функционер кој ги предводеше нападите врз украинскиот Мариупол

    92 shares
    Share 37 Tweet 23
  • Брисел насетува оти Мицкоски е подготвен да го жртвува и Извештајот во ЕП

    91 shares
    Share 36 Tweet 23
  • Илон Маск ја напушта Белата куќа

    88 shares
    Share 35 Tweet 22
  • Меџити најави кривична за „инспектор“ Данела Арсовска: Ова е последен обид на Али Ахмети за дестабилизација преку општините

    87 shares
    Share 35 Tweet 22

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ