„А бе, Јованке (Спировска – Панева), и тебе ти ставиле тога!“, ми беше првата мисла по пресудата неодамна. Дали Јованка мислеше дека судењето по партиски налог ќе ѝ помине? Во тужбата против малиот Љупче (МВРО) Златев, неговиот уредник кој со години се шета маскиран по улици, Латас и ТВ Шител, „судијкава“, едноставно, не најде доказ дека се виновни за гнасни и дрски клевети, лаги и навреди. Две години ме влечеше по судници, за на крајот да ме испитува како јас да сум криминалецот, а не тужителот.
Нејзината претходна љубезност и остри зборови, токму на сметка на судот и судството, исчезнаа во мигот кога ме повика да дадам исказ. Потполна трансформација! Веќе по првите пар прашања, сфатив дека пред мене имам партиски послушник кој мора да одработи за фашо-мафијата, да ги заштити клеветниците. Бидејќи, мафијата е позната по тоа дека ги штити своите, па макар да се и последни гниди. Ако некој треба да страда, мафијата е надлежна за тоа, а не некаков си систем, држава, правда. Судиите им се само запчаници во машинеријата. Погледнете само како ги штитат Грујо, Горде, Миле-ми-текна, Кочан и останатата багра…
ТВ Сител, Латас и неговото пионче лансираа долгогодишна кампања, меѓу многуте други, и против ЦИВИЛ и мене лично. Сакав, како совесен граѓанин, да оставам институционална трага и да го тестирам корумпираното судство. По долгото судење кое го водеше Јованкава, судството не го положи тестот, туку само покажа дека е мизерно, ужасно и одвратно!
Немам намера да се жалам на Апелација, скапо ми е. Наместо тоа, еве, на јавноста ќе ѝ кажам уште еднаш: приходите на ЦИВИЛ од Сорос, откако постои организацијата (18 години), се околу 11.000 евра. ЦИВИЛ се јавува како основач само во едно правно лице – Сојуз Национален младински совет на МК и проектот „Кажи не! На оружјето“ е целосно реализиран, за што може да посведочи АВМУ. Лагите се очигледни. Само Јованка не ги виде.
Она суштествоно јавно ме навреди и по етничка основа, за што се извини во судница, а тоа ѝ беше доволно на Јованкана и го ослободи и од тој дел на тужбата. Се обиде да ме навреди и во самата судница. Јованка не го препозна тоа. Во првата наредна прилика ќе ви напишам како изгледаше испрашувањето во судницата. Да, јас бев испрашуваниот!
Објавено во Плусинфо и во Слободен печат (19/5/2017)