Илјада дена Украина им се спротивставува на целосната вооружена агресија на Руската Федерација и води одлучна борба за својата слобода, државност, територијален интегритет и можност за слободен развој и изградба на иднината, се вели во изјавата на МНР на Украина по повод илјадитиот ден од почетокот на целосната воена инвазија на Руската Федерација врз Украина.
Како што потенцираат од МНР на Украина, за тоа време бевме сведоци на вистинската храброст на бранителите на островот Змииниј, херојството на одбраната на „Азовстал“, Бахмут и други градови и села, неуморната работа на волонтерите и невидената подготвеност и на украинските војници, и на цивилното население да го бранат секој дел од украинската територија.
Во исто време, како што велат од украинското МНР, целиот свет беше шокиран од ужасните злосторства на руската армија во Буча, Јагидне, Ирпин, Изјум, Мариупол и други градови, уништувањето на хидроцентралата Каховка, егзекуциите на украински воени заробеници и цивили, како и намерното уништување на станбени згради, училишта, болници и други цивилни објекти.
Според украинскот МНР, започнатата од Русија најголема агресивна војна на европскиот континент од времето на Втората светска војна ја сруши меѓународната безбедносна система. Илјада дена, импресионирајќи го светот со својата цврстина, украинскиот народ продолжува да пружа решителен отпор на агресорот заради независна иднина, ослободена од притисокот на Кремљовата диктатура.
Остварувајќи го своето право на самоодбрана врз основа на член 51 од Статутот на ОН, Украина ослободи повеќе од половина од окупираните територии од почетокот на целосната инвазија, уништи стотици илјади војници од армијата на окупаторот, десетици илјади единици воена техника и продолжува да се бори за ослободување на привремено окупираните територии на Автономната Република Крим, градот Севастопол, делови од Донецката, Запорижската, Луганската и Херсонската области.
Во соопштението понатаму се вели дека и покрај целосната војна, Украина напредува на патот за влез во ЕУ и НАТО, спроведува важни реформи, обезбедува макроекономска стабилност, го зачувува единството на општеството на овој пат, вклучувајќи ги сите наши луѓе во странство. Работиме на создавање услови за нивно враќање дома.
Руската воена инвазија е придружена со масовни прекршувања на меѓународното право, меѓународното хуманитарно право и човековите права. Руските окупациски сили вршат воени злосторства и злосторства против човечноста, убиваат цивили, мачат и егзекутираат воени заробеници. Цивилните Украинци живеат во услови на постојани напади со управувани авионски бомби, ракети и дронови различни типови од руско, севернокорејско и иранско производство.
Русија води хибридна војна не само против Украина, туку и против целиот свет, користејќи храна, енергија и други ресурси како оружје. Русија спроведува опсежни дезинформациски кампањи и сајбер напади, се обидува да манипулира со јавното мислење, да шират хаос и подели во демократските општества.
Целосната инвазија на Руската Федерација во Украина покажа итноста на обединување на напорите на демократските држави во спречувањето на широкиот спектар на хибридни тактики на Русија.
Секојдневниот терор на Русија докажува дека тековниот притисок врз земјата-агресор е недоволен. Украина има потреба од можноста да извршува напади врз воените цели на целата територија на РФ. Русија разбира само сила.
Руската Федерација продолжува со намерни напади врз енергетскиот систем на Украина. Повикуваме меѓународните партнери да помогнат во зајакнувањето на воздушниот штит на Украина за заштита на критично важни енергетски објекти, а меѓународните хуманитарни организации да реагираат на криминалните дејства на Русија кон цивилите.
Исто така, е важно понатамошното засилување на санкцискиот притисок, вклучително и на клучните сектори на руската економија, со цел да се лиши Руската Федерација од можностите и ресурсите што се неопходни за производство на оружје и воена техника која се користи за продолжување на војната.
Украина никогаш нема да се покори на окупаторите, а руските војници ќе бидат казнети за прекршување на меѓународното право.
Меѓународниот кривичен суд издаде налог за апсење на диктаторот Владимир Путин и руската омбудсманка за правата на децата, Марија Львова-Бјелова, за незаконска депортација и преместување на украински деца, што е воен злостор. МКС исто така издаде налози за апсење на поранешниот министер за одбрана на РФ, Сергеј Шојгу, началникот на Генералштабот на руската армија, Валерии Герасимов, поранешниот командант на далечната авијација на Русија, Сергеј Кобилаш и поранешниот командант на Црноморската флота на РФ, Виктор Соколов, поради нивната вмешаност во извршување воени злосторства и злосторства против човештвото.
Ние повикуваме државите-членки на Римскиот Статут да ги почитуваат своите обврски за соработка со Меѓународниот кривичен суд и потребата од обезбедување на апсење на воениот злосторник Владимир Путин и неговите соработници, на кои МКС издаде налози за апсење.
Истo така, се надеваме дека ќе се постигне резултат во работата на создавање на Специјален трибунал за злосторството на агресија против Украина, со цел да се повика на одговорност највисокото политичко и воено раководство на Русија за злосторството на агресија против Украина – злосторство кое е основа за сите други меѓународни злосторства.
Меѓународниот суд на ОН во предметот поврзан со обвинувањата за геноцид врз Конвенцијата за спречување и казнување на геноцидот (Украина против Русија), која Украина ја иницираше вториот ден по целосното руско воено втргнување, донесе првична пресуда во корист на Украина, признавајќи ја својата јурисдикција да го разгледува овој случај.
Покрај тоа, Меѓународниот суд на ОН издаде Наредба за преземање привремени мерки, која ја обврзува Русија да прекине со воените дејствија што беа започнати на 24 февруари 2024 година. Сепак, Русија продолжува да го прекршува овој правно извршлив налог.
Руската агресија не влијаеше само на Украина. Тековниот нуклеарен шантаж од страна на Руската Федерација, освојувањето на ЗАЕС и нападите врз објектите на критичната инфраструктура, од кои зависи безбедното функционирање на украинските нуклеарни централи, го доведуваат во опасност целиот свет.
Илјада дена на руската инвазија доведоа до ескалација на глобалната хранителна криза. Невибирани напади врз украинските пристаништа, цивилни бродови и минирање на земјоделските полиња имаат негативно влијание на милиони луѓе далеку надвор од Украина. Светот стана заробеник на империјалистичките амбиции на Русија, која свесно го користи производството на храна како оружје. Преку теророт на Русија, Украина останува еден од клучните гаранти на глобалната безбедност на храна.
Жртва на војната стана и животната средина. Издувните гасови во атмосферата, загадувањето на земјиштето и реките, непоправлива штета на биолошката разновидност, уништувањето на Каховската хидроелектрична централа – ова се само некои од многуте примери на влијанието на агресијата врз животната средина. Токсичното наследство од злосторничките дејства на Русија се чувствува и далеку надвор од нашата држава. Токму затоа прашањето на еколошката безбедност е меѓу важните приоритети врз кои работи украинската страна во рамки на имплементацијата на Формулата за мир, особено со цел да се засилат постоечките природозащитни механизми за заштита на животната средина во услови на војна.
Ние сме благодарни на партнерите за целата обезбедена одбранбена, финансиска, економска и хуманитарна помош. Апелираме за продолжување и засилување на поддршката. Обновувањето на глобалната стабилност и заедничката безбедност е невозможно без враќање на територијалната целокупност и суверенитетот на Украина.
Апелираме до партнерите за засилување на помошта за Украина, особено за зајакнување на воздушната одбрана за заштита на критично важни енергетски објекти; за активна учествување во обновата на нашата држава; за поактивно реагирање на дејствијата на Кремљ кои ги загрозуваат украинските нуклеарни објекти; за осудување и истрага на злосторствата на Руската Федерација врз цивилните Украинци; за демантирање на лажните вести преку кои Русија се обидува да ги избелее своите воени злосторства.
Руската Федерација не демонстрира подготвеност да ја заврши војната. Наместо тоа, ја засилува соработката со Иран и Северна Кореја. Техеран и обезбедува на Руската Федерација дронови и друга поддршка, а Северна Кореја фактички влезе во војната на страната на Русија, испраќајќи воен контингент за учество во борбата против Украина, плус до предадените артилериски гранати и ракети.
Овие три режими во длабока соработка покажуваат дека руската агресија против Украина е глобална закана која ја дестабилизира Европа, Југоисточна Азија и Блискиот Исток. За оваа закана е потребна глобална контраакција.
Претседателот на Украина го предложи Планот за победа, чие спроведување ќе ја натера Руската Федерација да ја прекине агресијата и да постигне праведен мир. Ги повикуваме нашите партнери да ја поддржат нашата борба, да помогнат во спроведувањето на Планот за победа и да се постигне сеопфатен, праведен и одржлив мир за Украина, Европа и целиот свет.
Ги повикуваме меѓународните партнери да се обединат околу спроведувањето на Формулата за мир, која претставува единствено целосно видување за завршување на војната и воспоставување сеопфатен, праведен и одржлив мир. Потребен е мир преку сила, а не умирување, стои во соопштението на Украинското МНР.
