Наместо решение, ДПМНЕ преку министерот во техничката Влада само ги компликува работите со личните документи и го заглавува издавањето пасоши, обвинува на прес-конференција портпаролот и пратеник на СДСМ, Дарко Каевски
Тој вели дека иако Владата донесе одлука возачките и сообраќајните дозволи кои треба да се променат да бидат бесплатни, надлежното министерство касни со реализацијата.
„Се уште има проблеми и со налепниците за регистарските таблички, МВР не ги доставува редовно и недостасуваат на станиците за технички преглед.
Погрешните одлуки, опструкциите на процесот и несоодветните чекори го блокираа и процесот на издавање пасоши.
Наместо да го зголеми капацитетот за сликање и вадење пасоши ДПМНЕ преку нивниот технчки министер го укина вадењето пасош без закажување.
Тоа негативно влијаеше. Драстично е намален бројот на граѓаните кои можат да се сликаат со што се пролонгира целиот процес со месеци.
Тоа значи дека граѓаните со месеци нема да можат да добијат нов пасош. Законскиот рок за издавање пасош не се почитува.
ДПМНЕ, од Белиот дворец, со месеци тврдеа дека ќе го решеле проблемот со личните документи.
Се виде дека ДПМНЕ не може да испорача решение туку создава дополнителен хаос“, истакна Каевски.
