Најостриот критичар на Кремљ, Алексеј Навални повика на антивоени протести во Москва и другите градови в недела.
„Лудиот манијак Путин мора многу брзо да биде запрен од народот на Русија сега ако се спротивставиме на војната“, се вели во пораката на Инстаграм профилот на Навални.
„Треба да одите на антивоени собири секој викенд, дури и ако се чини дека сите или заминале или се исплашиле…Вие сте столбот на движењето против војната и смртта“.
Повикот е упатен преку социјални мрежи.
Русија започна инвазија врз Украина на 24 февруари, најголемиот напад на европска земја, од Втората светска војна.
Мониторинг групата на протести ОВД Инфо тврди дека 13.908 луѓе се приведени при антивоени демонстрации во Русија, од почетокот на инвазијата.
Навални заврши зад решетки минатата година, кога се врати во Русија, по медицинскиот третман во Германија. Ова следуваше по нападот со отров за време на посетата во Сибир во 2020 година. Руските власти негираа дека извршиле таков напад.
Преку адвокати и сојузници, Навални објавува ставови на социјалните медиуми.
