БЕКИМ КАБАШИ
Судскиот процес против водачите на ОВК започна две и пол години по нивното апсење. Отстапувајќи од првобитната идеја, обвинението кое народниот потфат за слобода го обвинува како здружен злосторнички потфат, судот снабден со досиеја од Србија и прикривање на ослободителни докази и многу други дејствија, докажуваат дека Обвинителството прави многу неправда, повикувајќи се во име на правдата.
Отстапување од првичната идеја
Специјалниот суд отстапи од првичната идеја за неговото формирање, која потекнува од Извештајот на швајцарскиот сенатор Дик Марти – кој тој го објави во 2010 година и ги обвини припадниците на ОВК за трговија со органи. Долгогодишната истрага на Дик Марти за наводите за трговија со органи, не покажа ништо. Тие не беа опфатени во обвинението што Специјалниот суд го поднесе против водачите на ОВК. Но, тие десет години натежнаа врз Косово му го извалкаа имиџот – внатрешно и надворешно.
Обвинението на ОВК преку доктрината „Заедничко криминално здружение“
Обвинението поднесено во април 2020 година од Обвинителството на Специјалниот суд против Хашим Тачи, Кадри Весели, Јакуп Красниќи и Реџеп Селими, ги товари за воени злосторства – опишувајќи ги како „Заедничко криминално здружение“. Точката 35 од обвинението ги прикажува како членови на „Заедничкото криминално здружение“ речиси сите политички и воени лидери на ОВК – од Генералштабот, команданти и заменици команданти на области, бригади, единици, до најобичните војници и други кои дејствувале во име на ОВК. Обвинението на ОВК се смета за обид да се препише историјата на борбата на народот на Косово за слобода и историјата на косовската држава.
Српски досиеја
Српските власти неколкупати тврдеа дека до Специјализираното обвинителство поднеле досиеја против ОВК. Тимовите на одбраната на обвинетите во Хаг пред извесно време заеднички побараа Специјализираното обвинителство да ги открие материјалите што ги поседува од Србија и има намера да ги користи во судскиот процес против водачите на ОВК. Тие побараа да се открие потеклото на кој било материјал што го поседува Канцеларијата на Специјализираното обвинителство – чие потекло е, или се чини дека е Република Србија, или некое од нејзините минати и сегашни тела или институции. Тимовите на одбраната со право оценија дека доказите кои потекнуваат од Србија ризикуваат да се направи непоправлива штета врз интегритетот на оваа постапка.
Прикривање на ослободителни докази
Прикривањето на ослободителните докази од страна на Специјализираното обвинителство беше една од силните теми на статусните сесии. Тимот на бранителите откри дека Специјалното обвинителство задржало некои ослободителни докази за обвинетите. Обвинителството го чуваше во тајност за одбраната и судот сведочењето на поранешниот висок дипломат на ОБСЕ, Ден Евертс, кој служеше во мисија на Косово веднаш по војната, а кој пред Обвинителството изјави дека криминалните активности, по јуни 1999 година, беа спроведени од поединци кои бараа можност за лична корист и не беа дел од кампањата организирана од албанското раководство.
Обвинителството е обвинето и за криење на два важни документи: писмо од американскиот Стејт департмент, од 4 мај 1999 година, во кое се наведува дека нема политичка структура или ефективна команда и контрола на ОВК, и извештај на ЦИА – од јануари 2000 година, каде што се тврди дека не се пронајдени докази дека ОВК извршила терористички дејствија. Специјалното обвинителство го чуваше писмото во тајност.
Авторот е новинар и политички аналитичар во косовскиот портал „Репортери“.
Фактите, ставовите и анализите на водечки интелектуалци во Косово и во регионот, ексклузивно на ЦИВИЛ Медиа.
Со цел да придонесе кон расветлување на фактите и да ги приближи ставовите и анализите на водечки интелектуалци во Косово и во регионот и да поттикне аргументирана дебата на оваа тема во македонската јавност и пошироко, ЦИВИЛ Медиа стапи во комуникација со повеќе истакнати аналитичари и интелектуалци во Косово и регионот. На оваа медиумска платформа може да се најдат ексклузивни факти, ставови и анализи за оваа важна тема. Без оглед на разликите во ставовите и анализите, несомнено е дека овој судски процес против поранешните лидери на ОВК во кој им се суди за наводни воени злосторства, претставува сериозен преседан чии последици може да бидат далекусежни, како за Косово, така и за целиот регион.
