Нетанјаху изјави дека Израел е во војна, повеќе од 200 загинати во нападите на палестинските милитанти

Поддржани од ракетен бараж, милитантите на Хамас упаднаа од блокираниот Појас Газа во блиските израелски градови, убивајќи десетици и киднапирајќи други во досега невиден и ненадеен напад за време на еврејскиот Сабат. Бројот на убиени Израелци до крајот на денот беше повеќе од 200.

„Граѓани на Израел, ние сме во војна. Непријателот ќе плати невидена цена“, рече израелскиот премиер Бенјамин Нетанјаху во видео порака од воениот штаб во Тел Авив.

Избувнувањето на големите борби меѓу израелските сили и палестинските борци доаѓа по неколкунеделни растечки тензии долж нестабилната граница на Израел со Газа и повеќемесечни смртоносни судири на Западниот Брег, окупиран од Израел.

Очевидците во Газа кои ги слушнале силните експлозии не виделе такво нешто досега.

Најмалку 232 лица се убиени, а 1.610 се ранети во палестинската енклава Газа за време на одмаздата на Израел по смртоносниот повеќестран напад од страна на силите на Хамас врз Израел, соопшти Министерството за здравство.

Палестинскиот претседател Махмуд Абас реагираше на смртоносната инфилтрација на Хамас и ракетните напади врз Израел, изразувајќи ја својата солидарност со палестинските цивили и користејќи ја можноста да упати критики кон Израел.

Во извештајот на англиски јазик за неговите коментари од новинската агенција ПА Вафа не се споменува нападот на Хамас.

ИД започна серија воздушни напади врз Газа како одговор и издаде масовна мобилизација на резерви.

Абас во Рамала одржал итен лидерски состанок на палестинската управа и дал инструкции да се обезбеди заштита за палестинскиот народ, нагласувајќи го правото на палестинскиот народ да се брани од тероризмот на доселениците и окупаторските сили.

МНР на палестинската управа во објава на Твитер напиша „повеќепати предупредувавме на последиците од блокирањето на политичкиот хоризонт и неуспехот да му се овозможи на палестинскиот народ да го искористи своето легитимно право на самоопределување“.

Тие упатија обвинување до Израел за „уништувањето на мировниот процес“ велејќи дека „отсуството на решение за палестинската кауза“ заедно со „молкот на меѓународната заедница“ за наводните израелски злосторства „и продолжувањето на неправдата и угнетувањето на кое Палестинскиот народ е разоткриен е причината за експлозивната ситуација и отсуството на мир и безбедност во регионот“.

Движењето Фатах на Абас, кое ја контролира палестинската управа која владее над Западниот Брег, има тензични односи со Хамас кои насилно ја презедоа контролата врз Појасот Газа во 2007 година и ги отстранија сите функционери на Фатах од крајбрежната енклава.

Министерот за здравство на ПА во Рамала Меј ал-Кајла прогласи вонредна состојба во сите болници на Западниот Брег, велејќи дека се подготвени да ги примат ранетите од Појасот Газа „како резултат на агресијата што ја започна окупацијата“.

Додека десетици Израелци беа заробени од палестински милитанти во нападот на израелската територија, улични прослави се одржаа во голем број градови на Западниот Брег, со слики на вооружени лица од терористичката група Лавови што им делат слатки на минувачите во Стариот град Наблус за да го прослават нападот.

Прослави се одржаа и во палестинските бегалски кампови во Либан.

Земјите ширум светот го осудија невидениот палестински терористички напад врз Израел.

Покрај изјавите за поддршка и осуда од сојузниците на Израел, муслиманските и арапските земји повикаа на смиреност од „сите страни“ додека Иран ги славеше нападите.

М. Пешевска