Израелскиот премиер Бенјамин Нетанјаху изјави дека новоформираната израелска коалиција која е подготвена да го оддалечи од функцијата е резултат на „најголемата изборна измама“ во историјата на демократијата.
Неколку часа по коментарите на Нетанјаху, Нафтали Бенет, националист, кој треба да го замени како премиер, го повика израелскиот лидер со најдолг стаж да прифати дека „на луѓето им е дозволено да формираат влада дури и ако Нетанјаху не е ја води“, пренесува Радио Слободна Европа.
„Сведоци сме на најголемата изборна измама во историјата на земјата, според мое мислење, во историјата на која било демократија“, рече Нетанјаху пред законодавците од неговата десничарска партија Ликуд.
Своите обвинувања ги насочи кон прекршеното предизборно ветување од Бенет, кој вети дека нема да соработува со левичарски, центристички и арапски партии. Во минатата среда, Бенет објави со опозицискиот лидер Јаир Лапид дека формирале владина коалиција со фракции од целиот политички спектар по неубедливите избори на 23 март, четврти во Израел во последните две години. Според договорот за ротација, Бенет ќе ја извршува функцијата прв премиер, а по него следи Лапид.
