По презентација на Посебниот извештај за утврдените злоупотреби во финансирањето на изборната кампања за предвремените парламентарни избори, во изјава за ЦИВИЛ Медиа, Катица Николовска, од Државната комисија за спречување корупцијаи судир на интереси, рече дека здравствената криза придонела да малиот удел на граѓанските организации во нивните активности, но оддруга страна дека постои задоволство во сработенотото на нивните 17 набљудувачи што го мониторираа политчкото финансирање.
ЦИВИЛ Медиа: Дали и на кој начин учествуваа невладините организации во мониторингот на политичкото финансирање, со оглед на здравствената криза?
Николовска: За жал, оваа година соработката со невладините ни беше во помал обем во однос на претходните избори. Баш во тој период кога започна изборната кампања имаше ситуација кога во вработени во Секретаријатот беа позитивни на Ковид-19 и дел од нас бевме во само изолација. Поголем дел од активностите ги вршевме од дома, присуството не ни беше многу јака страна во просториите на ДКСК, меѓутоа успеавме да се организираме и да ги завршиме нашите надлежности во рокови согласно нашиот закон.
ЦИВИЛ Медиа: За првпат ДКСК имаше прилика да имате ваши набљудувачи за мониторинг на политичко финасирање за време на изборите. Колку сте задоволни од искуството, какви резултати даде еден ваков начин на мониторирање на политичкото финансирање?
Николовски: За прв пат јас сум лично задоволна од ефектот што го постигнавме. Во прв момент имаше мала резерва од учесниците во изборната кампања, во смисла кои сте, што сте, кој ви дал надлежност… имаше такви прашања до набљудувачите, но кога ќе се објасни дека имаат дозвола и дека во наше име ги набљудуваат изборите, набљудувачите известуваа дека имаат позитивен став од учесниците. Им се понудиле за помош ако им требаат податоци, да им бидат доставени и ред други работи. Фактот што ни се погоди короната и што бевме во изолација не органичи малку поактивно да ги следиме набљудувачите, па можеби ќе имавме и подобри резултати. Како за прв пат јас сум задоволна. Од тоа што го обезбедивме, јас сум задоволна и ќе биде добро за проверка на финансиските извештаи од Државниот завод за ревизија. Сепак, ова ни останува како искуство, па за наредните избори учејќи низ грешки, се надевам дека ова ќе го подигнеме на едно повисоко ниво.
ЦИВИЛ Медиа: Со кои капацитети располага ДКСК и дали уште имате недостиг со оглед на вашата работа?
Николовска: За жал, ситуацијата е непроменета. Бројот на вработени минатата година се зголеми за три нови вработени. Ситуацијата не е променета. Во текот на вонредната состојба, дел од вработените што беа предвидени како родители на мали деца беа дома, значи годината ни беше особена тешка. Се надеваме дека со овој буџет, со овие планови, во текот на наредната година ќе започнеме интензивно да регрутитраме нови лица, ќе го зајакнеме капацитетот на Секретаријатот и дека ќе бидеме малку поспремни за наредните избори.
ЦИВИЛ Медиа: Неодамна министерот за правда, Бојан Маричиќ, најави формирање на работна група за изборни реформи. Иако формално уште не е започната, кои други препораки, освен во делот на политичкото финансирање ќе ги понуди ДКСК, со претопставка дека ќе бидете дел од работната група?
Николовска: Јас се надевам дека ќе бидеме дел од оваа група. Нормално, како се менува законот така се јавуваат проблеми во негово спроведување. Системските слабости што ги истакнуваме во Извештајот за утврдени злоупотреби во финансирањето на изборната кампања се проблеми на кои сме наишле во нашето постапување. Има цела друга лепеза која не нè засега нас директно, а ги засега други институции. Се надевам кога ДЗР ќе ги заврши своите ревизии ќе излезе со свои наоди за системски слабости, како во делот на финансирање, така и во делот на следење на изборите, на известувањето и ред други работи што произлегуваат од тие активности. Ние секогаш добро соработуваме со ДЗР. наредната недела ќе имаме состанок со нив во делот на наодите каде ние имаме сомнежи дека постојат неусогласувања во делот на финансирањето на изборните кампањи.
Биљана Јордановска
камера: Дехран Муратов
монтажа: Ариан Мехмети
