Претседавачката на ОБСЕ, министерка за надворешни работи на Финска, Елина Валтонен и генералниот секретар на ОБСЕ, Феридун Х. Синириоглу, издадоа соопштение во врска со неколку закони и мерки усвоени од Народното собрание на Република Српска на 27 февруари и кои влегуваат во сила на 6 март, а кои го оспоруваат уставниот поредок на Босна и Херцеговина.
„ОБСЕ ја потврдува својата целосна поддршка за Уставот на Босна и Херцеговина. Целосното почитување на владеењето на правото и одговорното лидерство се клучни за да се обезбеди мирна и просперитетна иднина за сите во Босна и Херцеговина.
Неодамнешното усвојување на сет закони и мерки во Народното собрание на Република Српска, кои забрануваат работа на судските и безбедносни институции на Босна и Херцеговина на територијата на Република Српска и нивното влегување во сила, го крши уставниот поредок на Босна и Херцеговина и ја загрозува стабилноста и единството на земјата. Обидот за создавање дополнителни структури на ентитетско ниво ја поткопува стабилноста во Босна и Херцеговина и регионот.
Апелираме до политичките лидери во Република Српска да го почитуваат суверенитетот на Босна и Херцеговина во интерес на сите граѓани преку почитување и зачувување на владеењето на правото и нивните уставни и законски обврски, во согласност со обврските на ОБСЕ.
ОБСЕ ќе продолжи да ги следи сите поврзани случувања многу внимателно и да повикува на деескалација, во тесна координација со Мисијата на ОБСЕ во Босна и Херцеговина.“
Д. Т.
