За реакциите на Западот за руската агресија во Украина, за застојот на помошта, (не)успехот на санкциите, за решителноста да се запре Путин… зборуваше Драган Мишев во серијалот на ЦИВИЛ насловен „Ослободи го умот“.
„Неодлучноста на Западот да стави крај на војната во Украина, меѓутоа не на начин на кој сака Кремељ по негови услови, туку на единствениот исправен начин, а тоа е пораз на империалистичката агресивна војна и политика на Путин и Русија, го искористија руските пропагандни медиуми да шират наратив дека ‘западот се умори да и пружа помош на Украина’, што е сосема неточно“, вели Мишев.
Тој истакна дека доаѓањето на рускиот министер за надворешни работи Сергеј Лавров на самитот на ОБСЕ во Скопје, медиумите го претставија како „триумфално враќање на руската дипломатија во земјава“.
Мишев нагласи дека руската пропаганда сега не известува од бојното поле, туку сега е насочена кон реални настани.
„Од говорот на генсекот на НАТО, Јенс Столтенберг, извадија само еден дел и го извадија од контекст дека наводно рекол „дека нè очекува долга војна“, вели Мишев.
Во програмата покрај Мишев учествуваше и Дехран Муратов, а дискусијата ја водеше Биљана Јордановска.
Д.М.
Камера, монтажа: Ариан Мехмети
Фотографија: Џабир Дерала
