Срамно, страшно и опасно е однесувањето на опозицијата која се обидува да прикаже некакви меѓуетнички тензии кои всушност се предизивикани од највисоки претставници на партиите во опозиција. Сè е лажно во ВМРО-ДПМНЕ, дури и ова крваво сценарио кое синоќа не им успеа. Тие воопшто и немаат друга стратегија освен крериање тензии, конфликт и страв кај граѓаните. Спремни се да жртвуваат луѓе за своите политички цели, спремни се да ја запалат цела држава. Тоа нема да го дозволиме, велат од СДСМ за вчерашниот инцидент што се случи на антиевропскиот протест кај плоштадот Скендербег.
„Христијан Мицкоски не е никаква жртва, туку е режисер на крваво сценарио, крваво сценарио со неговите коалициски партнери Левица и Алијанса за Албанците, кое на крајот не успеа. Мицкоски синоќа не беше мета туку само ја одигра најлошата улога за државата и за граѓаните.
Цуфи Кока е личноста која според крвавото сценарио на Мицкоски треба да глуми негов напаѓач и истото лице вчера беше приведено веднаш. Се работи за човек кој е брат на висок член на коалицискиот партнер на Мицкоски, Алијанса за Албанците, кој беше назаначен за директор на Јавното претпријатие Комунална Хигиена Скопје. Станува збор за братот на претседателот на огранокот на Алијанса во Чаир и главен фунцкионер во кампањата на Данела Арсовска.
Од владејачката партија велат дека не се во прашање никакви меѓуетнички тензии туку политичко крваво сценарио кое веќе го имаме гледано, и додаваат дека граѓаните никако да не подлегнувааат на вакви конструкции.
„Апелираме на смиреност а институциите да си ја завршат работата и сите инволвирани да одговараат пред законот. Нема да дозволиме дестабилизација и сите нивни деструктивни сценарија повторно ќе бидт поразени“, велат од СДСМ.
Демократската унија за интеграција најостро ги осудува инцидентите на антиевропските протести поттикнати од проруските елементи во нашето општество, вклучително и сценариото што вечерва беше реализирано на плоштадот Скендербег во Скопје.
„Инцидентот меѓу активистите на ВМРО, ЛЕВИЦА и Алијанса не може да не се смета за однапред смислен и испланиран од оваа коалиција бидејќи протагонисти беа токму овие три партии и нивните поддржувачи.
Лицето што вечерва ги нападна своите коалициски партнери, вчера заедно со својот брат водеше кампања за ВМРО ДПМНЕ, додека денеска е функционер на ВМРО, директор на Комунална хигиена во Скопје“, велат од ДУИ.
ДУИ повикува на смиреност и непоттикнување меѓуетнички инциденти и насилство на протестите.
„Антиевропските сили нема да успеат затоа што нашата земја е во НАТО и граѓаните ја сакаат Европа“, потенцираат од ДУИ.
Од ВМРО-ДПМНЕ велат дека вчерашниот инцидент е во режија на власта која по секоја цена сака да ги задржи своите фотелји и функции заради криминалните тендери.
„Вчера се случи класична полициска монтажа во режија на власта на СДСМ и ДУИ. Соочени со големиот револт на граѓаните, кој трае неколку денови, поради Предлогот кој предвидува асимилација на народот и понижување на Македонија, власта се реши да игра на карта на меѓуетнички тензии“, велат од ВМРО-ДПМНЕ.
Инаку, лицето кое пукаше веднаш беше приведен од полицијата. По вчерашниот инцидент кај плоштадот „Скендербег“ во скопската Чаршија, разрешен е вршителот на должност на Ј.П. Комунална хигиена, Зуди Енузи, соопштија од Град Скопје.
Енузи е братот на Јусуф Кока, човекот што пукаше од пиштол за време на инцидентот со демонстрантите и група граѓани кај плоштадот „Скендербег“ во скопската Чаршија.
Д. М.
