На четвртиот и последен панел „Историја и иднина на демократијата, човековите права и медиумските слободи“, дел од големата меѓународна конференција „Одбрана на демократијата и човековите права“, Петрит Сарачини од ИМА посочи дека ни се случуваат добри и лоши работи во регионот и светот. Не можеме да бидеме споредени со Украина таму е многу тешка ситуацијата и можеме да се чуствуваме среќни што имаме вакви проблеми. Проблеми кои луѓето од Северна Македонија ги трпат. И Европа е нападната од екстремен национализам и овие работи го платија данокот врз демократијата.
Ние разбиваме лажни вести проверуваме вистина на вестите, единствена организација сме која со националната станица Алсат правиме 10 минутни видеа кои што разбиваат лаги пласирани во медиумите Единствен прпимер сме во регионот.
„Да бидеме искрени граѓанските организации и факт чекерите ја вршат работата но неможат да ги покријат медиумските куќи кои се во мејнстримот“, истакна тој.
Видовме кои се резултатите од дезинформациите за време на преспанскиот договор и неговото потпишување, видовме какви насилни протести тоа предизвика, а да не говориме за претходната година што се случи со пропагандата и резултираше со напад на Собранието на 27 април. Такви дезинформации предизвикуваат насилство говор на омраза и подгревање на меѓуетничките тензии.
Петрит Сарачини е претседател на Институтот за медиуми и аналитика (ИМА) во Скопје. Со повеќе од 25 години искуство во медиумите, тој работел како новинар, уредник, водител, истражувач и колумнист за различни медиуми како ТВ21, Лајф радио и Цивил Медиа. Водел и медиумски проекти во граѓанскиот сектор, вклучително и девет години во Македонскиот институт за медиуми и придонеси за ЦИВИЛ и Фондацијата Метаморфозис.
Конференцијата се состои од четири сесии, во кои учествуваат повеќе од 25 учесници од Северна Македонија, регионот, Европа и САД, како и изложба и штандови со изданија на организацијата која оваа година одбележува 25 ГОДИНИ од основањето.
Меѓународната конференција „Одбрана на демократијата и човековите права“ во Скопје е дел од програмата на Неделата на човекови права – иницијатива на Владата на Северна Рајна-Вестфалија.
