Стево Пендаровски, национален координатор за НАТО, на трибината за НАТО на ЦИВИЛ-Центар за слобода, изјави дека луѓето во Македонија не се запознаени што точно ќе претставува приклучувањето кон НАТО. Најчестиот проблем, според граѓаните, е дека Македонија нема да издржи поради буџетот.
„Секој цени според тоа колку може да даде, нема присилба дека некој ќе ни рече или ова или ќе ве истераме од Алијансата.“ изјави Пендаровски.
Тој додаде дека од НАТО никој не бара да излезе, дека нема релевантна политичка партија во ниту една земја членка на Алијансата, која има во својата политичка програма или изборна кампања точка која вели дека ќе организираат референдум за тоа дали луѓето сакаат да бидат во НАТО или не.
„Кога ќе видите од толкави зрели демократи не бараат да излезат од Алијансата, сигурно има некоја причина зошто се внатре.“ изјави Пендаровски.
Ангела Петровска
Камера: Атанас Петровски
Монтажа: Ермин Климента
