По средбата меѓу премиерот Зоран Заев и претседателот на полтичката партија Алтернатива, со соопштение се огласи и Алијанса за Албанците, порачувајќи дека Алтернатива најмалку трипати го прекршила коалицискиот договор со Алијансата и треба да да ги разјасни своите позиции во однос на овој договор.
Политичката автономија на секој субјект е прифатен факт за Алијансата за Албанците, како што и договорите потпишани меѓу субјектите, без разлика дали се политички, подразбираат откажување од дел од нејзината автономија, се вели во соопштението на Алијансата веднаш по средбата Заев-Гаши.
„Договорот потпишан за коалиција меѓу Алијансата за Албанците и Алтернативата, јасно ги дефинира критериумите и временските рокови на оваа коалиција, односно во членот 6 од овој договор стои дека: „Странките се договорија оваа соработка да важи до следните парламентарни избори“. Следствено, Алтернатива треба да ги разјасни своите позиции во однос на овој договор, кој го прекршуваа најмалку три пати по ред, со јавна средба со премиерот во оставка, Зоран Заев, за да разговара за можноста за влез во Владата“, соопштија од Алијанса за Албанците.
Оттаму велат дека нивниот досегашен молк никако не е слабост, туку сериозност кон потписот што го ставиле на договорот и политичкиот морал што сакаат да и го пренесат на јавноста, дека на крајот дадениот збор докажан со потпис, за нив претставува вредност, додека чекањето се однесува на можноста што сакале да ја дадат за размислување за политичките чекори преземени од коалицискиот партнер.
„Минимумот на коректност што го очекуваме од вас е да одговорите дали е валиден или не договорот потпишан меѓу Алијансата за Албанците и Алтернативата? Ако не, тогаш не ни останува ништо друго освен да ви посакаме успех во вашиот пат, кој за нас е погрешен и во целосна спротивност со вољата што го изразија граѓаните кои гласаа за коалицијата Алијанса за Албанците и Алтернатива“, се порачува во соопштението.
Од Алијанса изразуваат жалење за разочарувањето што Алтернатива го предизвикала кај опозициските гласачи кои, кои, како што велат „не поддржаа против оваа власт“.
„На истите ние им остануваме верни во нашето понатамошно политичко патување, држејќи ги вратите отворени за сите оние кои за кои е свет дадениот збор пред граѓаните. Ја информираме јавноста дека Алијансата за Албанците во иднина добро ќе размисли со кого ќе потпише коалициски договор“, се вели во соопштението на Алијансата.
