Пензионерите се збунети, дали ќе ги добијат парите во септември или во октомври? Дали ќе биде еднократно или секој месец ќе добиваат дополнително 2.500, а од март следната година пензијата ќе им се зголеми за 5000 денари?
ЦИВИЛ Медиа го постави прашањето на својата Фејсбук страница – Дали пензионерите се измамени или недоволно информирани зошто не им се исплатени дополнителните 2.500 денари?
Граѓаните со поделени мислења, дел сметаат дека се изманипулирани, додека други сметаат дека владината одлука е во ред. Ви пренесуваме дел од коментарите:
„На септемвриската треба да има зголемување според раст на трошоците и просечната плата плус ветувањето од 5000 денари, а што ќе биде на 1 октомври ќе видиме…“.
„Корекција, не се тоа дополнителни 2.500, тоа е редовното законско покачување/усогласување, законска обврска која оваа влада нема намера да ја спроведе и при тоа пензионерите ги манипулира со намера за линеарно, а не процентуално зголемување. Ако не се лажам, ветуваа покрај законското процентуално, дополнително линеарно зголемување на пензиите, а сега немаме никакво. Ама ако, горди сме“.
„Тие 5000 денари наместо во една рата ќе ги дадат во две, но регистрирано сметководствено во две различни години што значи нè зафркнаа…“.
Измамени затоа што за изборите не беше речено дека пензиите ќе се качат два пати по 2500д него беше речено 5000 денари. Тоа значи во овој случај како што прават го рипаат покачувањето во март 2025 година.
Да, измамени се со 100%. Требаше линеарно по 5000 денари, сега вака било, онака било. Кога си ветил нешо треба да го исполниш за народот да има доверба во вас. И ова воопшто не е покачување туку усогласување во септември и март. Срамота ги измамивте тие што ве донесоа на власт.
„На канал 5 на вести минатата недела кажаа дека заклучно со 31-ви август а на 1-ви септември пензионерите ќе добијат по 2500 ден. Јас лично слушнав. Значи лага е“.
„Што правиме со законот што е за усогласување на пензиите двапати во годината, дали оваа влада ги почитува законите а 2.500 денари е нивна волја или предизборно ветување, законите велат тие мора да се исплатат. Малку им е на овие гласачи. Тек има да осетат. за оваа влада закон за усогласување не вази и на ми да има. Пак да им чукате со раце и пак да ги гласате“.
„За еден закон да важи треба да помине на Собрание“.
„По она што малку се разбирам во законите прво треба да се спроведе законски регулираното усогласување на пензиите плус 5.000,00 денари линеарно зголемување договорено со пензионерите Ама…? Ќе видиме ….може да падне и тужба …“.
„Мислам дека Мицко и тајфата дури сега ќе научат дека септемвриската пензија се исплаќа на 1ви октомври, не се криви тие, толку им дал Господ“.
„Почекајте малку! Парите се испечатени, се сушат на сонце и декември ќе легнат на сметката“.
„Убаво кажаа за септемвриската пензија, значи први октомври. До кога народе со непотребни провокации подбуцнувања. Ништо не ви е погодено. Слушате и мислите како да го искривите кажаното“.
„Прашање е дали овие пари влегуваат во основица на пензија, во тој случај тоа води кон деруинирање на ПИОМ“.
„Убаво кажа премиерот. ВО септември првите 2500ден. Не кажа СО септемвриската! Две букви, голема разлика! Прегледајте ги изјавите“.
„Идиоти, септемвриската пензија се зема во октомври. Трт ќе си земеме пари што комуњарите северџани секогаш ни кратеа“.
Имаше и такви коментари кои наместо да зборуваат за темата, тие коментираат против ЦИВИЛ.
Ај не тресете зелени, а и прашањето е глупо да поглупаво неможе да биде… државата е опљачкана и кој очекувал празна каса, особено Фондот за пензиско кој што го воделе браќата!
Д. М.
