Кампањата се ближи кон крајот, заострената реторика предивикува растечка нервоза…
Во Изборниот штаб на СДСМ, до црквата во село Виниче, „од непознат сторител со употреба на сила скршена е влезната врата од објектот, влезено е внатре, направено е претурање, расфрлан е рекламен материјал, а дел е и одземен“, се вели во Билтенот на МВР за инцидентите и вандалските постапки во текот на вчерашниот ден.
Во скопската полиција е пријавено дека околу вчера околу 11,30 часот полициски службеник кој бил службено ангажиран „било забележано дека на улица ‘Христо Татарчев’ каде е сместен предизборниот штаб на НСДП, има оштетување со црн спреј на изложното стакло од просториите на штабот“.
Во полиција било пријавено и оштетување на предното стакло од просториите на предизборниот штаб на партијата „Беса“ во селото Слатино, Oпштина Теарце.
Ноќта меѓу средата и четвртокот во 3 часот изутрина во Скопје, на улицата „Ѓорче Петров“ бил опожарен билборд со реклама на ДУИ.
