Изборите завршија, но не заврши и разочарувањето;
Изборите завршија, но не стигна живот кај сите граѓанки и граѓани;
Изборите завршија, но сомнителни лица добија институционална поддршка;
Изборите завршија, но дел од Албанците не се радуваа;
Изборите завршија, но …
Не можеме да зборуваме за денес и утре, создавајќи атмосфера како ништо да не се случило за време на десетгодишното владеење на ВМРО-ДПМНЕ со ДУИ, кога сите сме сведоци дека во текот на ова владеење, присутни беа – перењето на пари, организираниот криминал, криминалитетот на белите јаки… Во текот на ова владеење, заради овие засегнати страни, кај граѓан(к)ите се изгуби довербата во државните институции и се зголеми стравот за нивната сигурност. Буквално во текот на ова десетгодишно владеење, „зачудувачки“ имаме една низа на настани со самоубиство, терористички напади, нарачани убиства, инциденти со етнички карактер… НИТУ ЕДЕН СЛУЧАЈ НЕ СЕ ОБЕЛОДЕНИ!
СДСМ беше политичкиот субјект кој во својата кампања на предвремените парламентарни избори на граѓанките и граѓаните им ја вети вистината за сите случувања, одговорност за сторителите на криминалот, враќање на парите кај граѓаните, ЖИВОТ ЗА СИТЕ!
Досега, не само што не исполни ништо од ветеното, напротив, на локалните избори, СДСМ направи коалиција со ДУИ. Многу членови и носители на функции од овој политички субјект се осомничени за тешки криминални дела. Ни поддршката на извршната власт за кандидатите за градоначалник на општината кои се осомничени според преслушувањето, не изостана.
Политичката свест кај албанското гласачко тело, за среќа е во пораст. Иако осомничените политичари не носат одговорност за своите дела пред надлежните институции, казната и одговорот беше јасен од народот. Без поддршката на СДСМ, ДУИ ќе беше поразената партија на овие избори.
Повикот за обединување и нов живот, кој на декларативен начин беше промовирано од Владата, не се примени на дело, напротив, ја длабочи поделбата меѓу граѓанките и граѓаните.
