Градската дива депонија „Вардариште“ во Аеродром останува една од најгорливите еколошки теми во Скопје. Иако во јавноста со години се ветува негова санација и пренамена, реалноста е дека просторот и натаму претставува потенцијална еколошка бомба. Иако во изминатите години се споменуваа различни проекти – од изградба на спортски терени и паркови, до целосна еколошка санација со меѓународна поддршка – ниту еден од нив не беше реализиран до крај. Наместо тоа, „Вардариште“ останува запуштен простор, обраснат со дива вегетација и диви депонии.
Протестите на жителите на Аеродром и активистите повторно го актуелизираа прашањето: ќе остане ли „Вардариште“ уште едно политичко ветување без реализација, или конечно ќе започне процес на трајна санација и пренамена во корист на граѓаните?
ПРАШАЊЕ НА ДЕНОТ: Кој е виновен за состојбата на „Вардариште“?
Редакција ЦивилМедиа ги повикува сите заинтересирани граѓанки и граѓани да одговорат на ова, но и на претходните прашања на денот во коментарите на објавата.
Некои прашања се деликатни, така што, освен во коментари, секогаш постои можноста да се биде анонимен, па одговорите на ПРАШАЊЕ НА ДЕНОТ да се даваат анонимно, во порака на месинџер или на другите онлајн контакти на ЦИВИЛ.
Најдобрите одговори ќе бидат објавени во посебен прилог.
Сите прашања на денот може да се најдат во рубриката ФОРУМ на интернет весникот ЦивилМедиа.
Редакција ЦивилМедиа
