Централното претседателство на Алтернатива вечерва на седница даде зелено светло партијата да се приклучи кон Владата и парламентарното мнозинство. На одлуката и претходеле многу дискусии на Централното претседателство, кое одлучи дека треба да им даде шанса на стабилноста и континуитетот за да може земјата да се надева на датум за почеток на преговори со ЕУ, објави на вечерашната прес-конференција портпаролот на Алтернатива, Орхан Муртезани.
Претседателеството на Алтернатива го овластило претседателот Гаши да комуницира со сите политички актери, со актуелниот премиер но и со евентуално новиот мандатар за да се види каков е нивниот концепт за излез од оваа криза, посочи Муртезани од Алтернатива на прес-конференцијата по состанокот на претседателството на партијата.
„Ќе видиме дали има воља за заедничка програма и дали има воња владините партнери да се откажат од дел од својата моќза да се создаде рамнотежа во власта. Отсега сепак зависи што ќе се разговара и што ќе се договори, а конечната одлука ќе ја донесе Централното собрание на Алтернатива, кое ќе се свика кога ќе имаме нешто поовеќе од само подготвеноста за преговори. Членовите на Централното претседателство треба да му дадат насока на Централното собрание, највисокиот орган на партијата, кое треба да донесе финална одлука.“, истакна Муртезани на пресот.
Претходно, дел од пратениците на Алтернатива сметаа дека доколку нивната партија донесе одлука да стане дел од Владата, услов треба да биде давањето предност на програмата на партијата, пред позициите во власта.
Ј. Ѓорѓиоски
