пишува: ПЕТРИТ САРАЧИНИ
Продолжува хајката со лаги, омраза и насилство на гавазите на левото Димче и Левица против мене. Вчера ќе ми сечеа глава, денес се „фалат“ со неуспешен физички напад врз мене пред 2 години.
Што се случи тогаш? Жарко Масларковски од Левица пијан ме нападна со гајба пиво, се одбранив, пак нападна и ме бутна на земја, пак се одбранив. Само се бранев, не сакав воопшто да возвратам на пијан човек. Настанот беше пријавен во полиција, има записник, сведоци.
Се сеќавам добро, ги молев полицајците да не го гонат кривично, туку прекршочно, не сакав на никој начин да влијаам врз животот на овој несреќник, ниту пак направив бука од ова во медиумите, иако можеби требаше.
Сега, насилниците се фалат? Горан Костовски од Левица го „фали“ Масларковски, член на Централниот комитет на Левица, дека ме истепал? Не се пофалија кога се извинуваа? Или кога ги спасував од кривична пријава?
Каква лага. Да беше така ќе се пофалеа пред 2 години. Вистината: Жарко Масларковски од Левица пијан ме нападна со гајба пиво, се одбранив, пак нападна и ме бутна на земја, пак се одбранив. Сега се фалат? Не се пофалија кога се извинуваа? Или кога ги спасував од кривична пријава? https://t.co/2D9sJ6lGVn
— Petrit Saracini (@amon_mra) January 12, 2021
До вчера бев толерантен колку можам кон овие насилници. Јавно ги предупредувам дека веќе не е така, ќе ги гонам со сите можни правни средства. А доколку претераат, нека прашаат како поминале тие пред нив од мвро-вмро.
Туку, не се главното прашање овие маши, туку тој што ги држи во рака, и сака да стрела и сече глави. Уште мислите дека е безопасен? 
