Собранието на Република Македонија денеска во 11:00 часот ќе ја продолжи 64. седница со расправа по нацрт-амандман, а по неговото изгласување ќе започне и дебата за нацрт-амандман и последниот предвиден со уставните измени, согласно Договорот од Преспа.
Вчера пратениците со 65 гласа „за“, 18 „против“ и 8 воздржани го усвои нацрт-амандманот на Уставот на Република Македонија, а претпладнето пратениците го усвоија и нацрт-амандман, со кој се предвидува менување на името Република Македонија со Република Северна Македонија.
Пратениците од власта и од опозицијата не отстапуваат од своите позиции „за“ и „против“ промена на Уставот, согласно Договорот од Преспа. Воздржано гласаа осумтемина пратеници кои ја напуштија опозициската ВМРО-ДПМНЕ.
Во третиот нацрт-амандман ќе стои „Републиката го почитува суверенитетот, територијалниот интегритет и политичката независност на соседните држави”, а четвртиот и последен се однесува на иселениците и во него Републиката да ги штити правата и интересите на своите државјани кои живеат или престојуваат во странство и ги унапредува нивните врски со татковината, a притоа нема да се меша во суверените права на други држави и во нивните внатрешни работи.
По изгласувањето на нацрт – амандманите и завршувањето на оваа фаза, Владата како предлагач на измените треба да организира јавна расправа, по што ќе следува третата и последна фаза од уставните измени, кои се прават во согласност со Договорот од Преспа.