„Модерното време“ или време во кое младите генерации не знаат поинаку, освен да живеат, да креираат и да решаваат проблеми во корелација со технолошкиот напредок, беше тема на денешната дебата – „Преку аудиовизуелна интеракција и дебата до поефикасно учење“.
ЦИВИЛ Млади, воедјќи се по сопствениот пример и секојдневната потреба од интернетот и друг вид на аудиовизуелна интеракција денеска ги пивкаа професорите и средношколците од СУГС „Георги Димитров“, заеднички да го проследат документарниот филм „Web Junike“ кој зборува за еден начин на решавање на интернет зависноста, да ги споделат нивните истражувања за истиот проблем во Македонија и повеќе да разговараат за потребата од аудиовизуелна интеракција во училиштата.
За интернет зависноста во Македонија зборуваа средношколците Давид Стојановски, Горазд Ордановски, Анџела Арсенијевиќ и Стефан Саздовски.
Професорите и ученците имаа спротивставени мислења за тоа колку е потребно образование што ќе се потпира на визуелна проекција на тоа што треба да се усвои како знаење и кои се последиците. Исто така, професорите ги потикнаа учениците да размислуваат и за емоциите и чувствата како процес на нивно градење како личности додека се стекнуваат со нови знаења. Дали е побитна личната меѓусебна комуникација или пак презентирање на знаењето преку аудивизуелни елементи.
Спротивставени мислења имаше и на прашањата што се однесуваа на интернет зависноста, заштитата и мерките што треба да се преземат за ослободување на младите од секојдневното седење пред компјутери и комуницирање преку социјалните мрежи.
ЦИВИЛ Млади се надеваат дека ова ќе биде поттик за сите основни и средни училишта да организираат што е можно повеќе вакви настани со кои преку аудиовизуелизација (филмчиња, презентации, клипчиња) и дебата младите, пред сè полесно ќе научат и ќе ги запомнат темите за кои дискутираат, а и ќе ја разбудат креативноста и почитувањето на различните ставови и мислења.
ЦИВИЛ Млади настанот го организираа во соработка и поддршка на ЦИВИЛ-Центар за слобода и Македокс.
Биљана Јордановска
