„Срамота: Талат Џафери со голема навреда кон целиот македонски народ, одби да ја прекине седницата за големиот празник Св. Петар и Павле“ е насловот на „Курир“ објавен синоќа, една минута по 19 часот, кога седницата на Собранието веќе беше распуштена.
Хорски, во период од половина час, „веста“ беше пренесена на сите веќе добро познати портали кои изминатите 11 години силно го поддржуваа режимот на Никола Груевски и неговата криминална банда, служејќи се со бесрамни лаги и ширејќи фашистичка пропаганда за разгорување на проблеми онаму каде и не постојат!
Она што всушност, се случи е дека претседателот на Собранието, Талат Џафери, ја прекина собраниската седница во 18 часот, иако требаше да трае до 19 часот, поради паузата од еден час која ја побара Антонио Милошоски за на пратениците да им се поделат стенограми од обраќањето на Зврлевски.
„Продолжуваме утре во 11 часот, но, ова како пракса не се трудете да го користите од утре, па натаму“, рече Џафери, прекинувајќи ја седницата. Тој веќе претходно ги предупреди координаторите на десетте пратенички групи на ВМРО-ДПМНЕ дека седниците ќе ги продолжува за онолку саати колку што тие побарале паузи во текот на денот.
„Требаше да мислите на време кога баравте паузи“ му одговори Џафери на Илија Димовски, кој претходно го обвини претседателот на Собранието дека им одземал на пратениците од драгоценото време кое требало да го поминат со своите семејства за празникот, кој, сепак, не е влезен во календарот како неработен ден.
