Најголемиот протест со децении во Куба против комунистичкиот режим, велат извори од медиумите и опозицијата во Куба, објави Би-Би-Си.
Демонстрантите во неделата извикуваа слогани за слобода и единство додека маршираа кон главниот град, Хавана, до моментот кога полицијата не го пресретна маршот и почна со масовни апсења.
Според центарот за помош, Кубалекс, околу 100-ина луѓе се приведени во недела.
Претседателот на Куба протестите ги нарече „платенички“. Министерот за надворешни работи на Куба тврди дека демонстрациите се финансирани од САД.
Но тие што беа на улиците велат дека се лути поради колапс на економијата, храната и недостиг од лекови, раст на цените и начинот на менаџирање на Ковид 19 пандемијата.
Некои од пораките на протестот беа, „Нема храна, нема лекови, нема слобода“, „Не нѐ оставаат да живееме“. Исто така, имаше и пораки како „Слобода“, „Долу диктатурата“, „Не се плашиме“.
„Гласот на Америка“ објави дека претседателот на САД, Џо Бајден ги поддржува барањата за демократија и човекови права во Куба.
– Кубанскиот народ ја бараат својата слобода од авторитарниот режим. Не мислам дека сме виделе нешто како овој протест одамна, искрено некогаш, рече Бајден од собата на Рузвелт во Белата куќа. Соединетите американски држави цврсто стојат со кубанскиот народ додека тие ги бараат своите права и ги повикуваме властите во Куба да се воздржат од насилство во нивниот обид да го замолчат гласот на кубанскиот народ“ – изјави Бајден.
Администрацијата на Бајден ги отфрла тврдењата на Куба дека САД се виновни за јавните немири.
Државниот секретар на САД, Антони Блинкен, изјави:
„Мислам дека е тешка грешка кубанскиот режим да толкува дека тоа што се случува во дузина градови на островот е резултат или производ на Соединетите американски држави.“
Американската телевизиска мрежа Еј-Би-Си, известува дека во текот на попладнето голем број демонстранти ги блокирале патиштата во знак на поддршка на кубанските продемократски протести.
А. Мехмети
