Петнаесетина мигранти од Пакистан, Шри Ланка и Авганистан моментно престојуваат во прифатниот транзитен центар „Винојуг“ во Гевгелија каде се сместени откако биле фатени од пограничната полиција по нелегалното влегување на територијата на Република Македонија и таму ќе бидат се до нивното враќање во Грција.
Според информациите од пограничната полиција, на котата 59 нема мигранти, а ситуацијата е мирна и стабилна.
Од страна на подрачната единица на Центарот за јавно здравје од Гевгелија, по редовниот увид на ПТЦ „Винојуг“ е констатирано дека мигрантите се сместени во контејнерите за престој и ноќевање. Според оценката, хигиената во транзитниот центар е на задоволително ниво и се одржува редовно и континуирано, а во сите објекти кои се празни и исчистени била извршена дезинфекција.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
