Падот на Виктор Орбан предизвика бројни реакции кај македонската јавност. На ПРАШАЊЕ НА ДЕНОТ: Како ќе влијае падот на Орбан во нашата земја? што ЦИВИЛ го постави на социјалните мрежи коментарите откриваат мешавина од скептицизам, политичка критика и ограничен оптимизам.
Дел од граѓаните сметаат дека клучното прашање не е Македонија, туку ефектот врз самата Унгарија и нејзината енергетска зависност:
„Прашање е како ќе влијае на Унгарците. Тие се корисници со децении на руски енергенси… сè зависи како ќе се договори Унгарија со Русија. Во моментов има најевтини горива и гас во Европа, па било какви проблеми ќе ја активираат инфлацијата.“
Во дел од реакциите, падот на Орбан се гледа како можен сигнал за пошироки политички промени и отворање на чувствителни прашања:
„Ќе се одмотува клопчето за сите проценти од Унгарија, а ќе има и европско јавно обвинителство… треба само да прашаме кој е на власт и ќе ни биде јасно.“
Истовремено, има и коментари исполнети со иронија и недоверба кон ветувањата за реформи:
„Ќе се ослободи судството, ќе се покачат платите, ќе се проверат купените дипломи… упс, се занесов многу.“
Други пак, укажуваат дека вниманието во јавноста често се пренасочува кон личности наместо кон реални проблеми:
„Се заборавија цените и нафтата, сега 15 дена Орбан и ‘Грујо’. Кај нас е поважно кој што рекол отколку кој што сработил.“
Доминира ставот дека директно влијание врз Македонија нема да има:
„Нема да има никакво влијание… кредитот ќе си го плаќаме и така.“
„Позитивно за Македонија – негативно за власта!“
Има и поостри реакции кои целосно ја негираат релевантноста на темата:
„НИКАКО!!! Освен што опозицијата се израдува за падот на Орбан!“
Овие реакции покажуваат дека јавноста во земјава генерално не очекува суштински економски или политички ефект од промените во Унгарија, туку повеќе ги перципира како симболичен настан со ограничен домашен импакт – освен во делот на политичката реторика и меѓупартиските пресметки.
Б. Ј.
