„Веќе е утврдено дека руски војници убиле 38 украински деца, а раниле повеќе од 70. Севкупно, потврдени се податоци за повеќе од 400 убиени и повеќе од 800 ранети цивили. Овие податоци сигурно се нецелосни. Сепак, непријателот организираше вистински чин на геноцид врз Украина. Само во Мариупол, 400.000 Украинци се земени како заложници. Постојано се гранатирани од авиони, млазна артилерија, ракети“, изјави Министерот за одбрана на Украина, Олексиј Резников.
Изјавата на Резников Ви ја пренесуваме интегрално:
„Здраво на сите.
Денес не им се обраќам само на лидерите на слободниот свет. А, исто така, и на жителите на сите земји во светот.
Пред две недели светот се промени. Сè е променето, иако сè уште не се сите свесни за тоа.
Русија отворено ја нападна Украина. Пред осум години на Крим и Донбас тие рекоа: „Нив таму ги нема“. Кремљ сега демонстративно води војна против мојот народ. Ова се случува во срцето на Европа.
Ракетите летаат на стотици километри. И ги погодуваат мирните градови. Денес тое се нашите градови. Утре може да биде било чии. Вашите.
Не влијаеја никакви предупредувања, обиди за дијалог или загриженост. Никакви меѓународни правила и механизми.
На Кремљ му е апсолутно сеедно за вашите обиди за разговор. Тој не е загрижен за ООН, ПССЕ или која било друга институција каде што се обидувате да го одржите неговото присуство.
Руските војници се однесуваат како терористи и кукавици.
За 11 дена руските окупатори уништија повеќе од 200 украински училишта, 34 болници и повеќе од 1.500 станбени згради.
Веќе е утврдено дека руски војници убиле 38 украински деца, а раниле повеќе од 70. Севкупно, потврдени се податоци за повеќе од 400 убиени и повеќе од 800 ранети цивили. Овие податоци сигурно се нецелосни. Сепак, непријателот организираше вистински чин на геноцид врз Украина. Само во Мариупол 400.000 Украинци се земени како заложници. Постојано се гранатирани од авиони, млазна артилерија, ракети.
Руските интервенционисти ги гранатираат хуманитарните коридори низ кои цивилите се обидуваат да се спасат. Ги убиваат оние на кои им ветиле дека ќе ги пропуштат. Тие ги убиваат оние кои се обидуваат да ги спасат заложниците на терористите од повреди или гладување. Ова се воени злосторства, ова е страшна тага за Украина.
Но, сакам да ве потсетам дека руски војници убиваат луѓе на една европска земја.
Каде се вашите вредности и идеали?
Каде е работата на меѓународните организации на кои се трошат милијарди долари? Каде се ООН, Црвениот крст, ОБСЕ?
Тие се сокрија.
Би сакал да го свртам вашето внимание на фактот дека денес околу 10.000 студенти од други земји што се наоѓаат во Украина се цел на терористите на Путин. Повеќе од 2.000 од нив веќе се земени како заложници од руски војници. Многумина од Индија, Кина, Турција, земјите од Персискиот залив.
Младите луѓе се наоѓаат во градовите блокирани од руските трупи – Чернигив, Суми, Херсон, Мариупол. Русите ги гранатираат овие градови. Тие всушност се во војна со целиот свет. Дури и со оние кои се обидуваат да останат неутрални. Нема да им успее. Злото не дејствува селективно.
Да ве потсетам дека Украина беше и е дом на претставници на повеќе од 100 нации. Секогаш сме живееле во мир. Имаме многу мешани бракови во кои се родиле прекрасни деца. А овие деца сега ги убиваат окупаторите.
Окупаторите држат новинари како заложници: во моментов се знае за британски државјани во градот Стојанка-2. Тие пукале врз група и раниле уште еден новинар, британски државјанин. Новинар, државјанин на Швајцарија бил застрелан и ограбен од окупатори во Миколајивксата област. За жал, вие сè уште им дозволувате на окупаторите да го прават тоа.
Денес сакам да ви кажам една работа – не плашете се. Не плашете се! Како не се плашиме ние.
За 11 дена Украина целосно го уништи митот за воената моќ на Русија. За 11 дена, украинските војници веќе убија повеќе од 11.000 руски војници. Ова е повеќе отколку во двете чеченски војни кои траеја 6 години.
По уште неколку дена, руските загуби на убиени и ранети, ќе ги надминат загубите од 10-годишната војна во Авганистан.
Веќе уништивме 300 тенкови и илјада оклопни возила. Повеќе од 40 авиони и речиси 70 хеликоптери. Русија загуби стотици елитни падобранци и борци од специјалните сили. Кои ги плашат Африка, Блискиот Исток. Но не и Украина.
Ние ги уништуваме, како и сите други терористи кои ги покриваат нашите градови со ракети. Кои пукаат во деца.
Не плашете се! Како што не се плашат нашите млади момци и девојки кои го спречуваат непријателот. Како што не се плашат нашите земјоделци кои запленуваат непријателски оклопни возила. Како што не се исплаши вработениот на поштенската компанија кој го собори рускиот авион од MANPADS (Преносен противвоздушен ракетен систем).
Денес, Европа има шанса да победи тиранин кој со децении ги заплашува сите.
За ова е неопходно Украина да издржи.
Русија нема да може да не порази во отворена битка. Нема да може да не заплаши со криминални гранатирања на нашите градови.
За да победиме, потребна ни е помош – затворено небо и оружје. Ќе се заштитиме и себеси и вас. Ние не се плашиме од Русите. Тие бегаат, а стотици се предаваат во плен.
Покрај оружјето, секојдневно се поставува прашањето за општа издржливост.
Ни требаат ресурси за да ја облечеме нашата армија, да го нахраниме нашиот народ. За брзо обновување на уништеното.
Треба да го зголемите притисокот врз Русија. И врз сите што добиваат пари во Москва. Затоа што тие ќе донесат војна во вашиот дом.
Светот се промени. Мора многу брзо да донесувате одлуки. Сепак, има војна во Европа. Кремљ може да запали нови пожари.
Ние посекако ќе се бориме и ќе победиме. Целиот украински народ ќе пружа отпор. Но, вашата помош ќе спаси животи. Вклучувајќи ги – животите на вашите деца и роднини. Секој ден од војната носи десетици смртни случаи на цивили. Европејци.
Им благодарам на сите кои веќе помагаат.
Ги повикувам сите да покажат дека слободниот свет не се плаши од ниту еден тиранин кој се крие во бункер“, истакна Резников.
