Судењето за случајот „Труст“ што требаше да продолжи денеска во Кривичниот суд, е одложено за 20 февруари поради отсуство на еден од адвокатите на обвинетите.
Адвокатката Сања Алексиќ поради болест била оправдано отсутна од рочиштето.
Во „Труст“ првоосомничен е бизнисменот Сеад Кочан, како и две физички и три правни лица, меѓу кои и управителите на фирмите „Трансмет“, „Силекс“ и „Вато“ ДООЕЛ, за учество на тендер на Електрани на Македонија.
На денешното рочиште требаше да бидат презентирани доказите на одбраната, по што се очекуваат завршните зборови и пресудата.
Според обвинението, осомничените со фалсификувани документи местеле тендери во ЕЛЕМ во вредност од 17 милиони евра.
Предметот, како што објави СЈО, е оформен врз основа на три прислушувани разговори, од кои два необјавени во јавноста од 3.8.2011 и 6.10.2011 година.
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини