Во Мариупол, во тек се многу интензивни престрелки, бидејќи Русите внесуваат повеќе сили за да го заземат градот, користејќи оружје за масовно уништување, вели Петро Андриушченко, советник на градоначалникот на градот, пренесува Укринформ.
„Мариупол. 52 ден на херојски отпор. Што се однесува до сега: непријателствата стануваат пожестоки. Окупаторите ги уфрлаат сите сили, го напаѓаат градот. Појавата на бомбардери ТУ зборува за намерата да се изврши напад врз упориштето Азовстал и морското пристаниште по фрлањето бомби со висок принос како ФАБ-3000 и други“, напиша Андриушченко.
Сето ова докажува дека Русите не се во можност да ја преземат контролата врз градот без прибегнување кон нечовечност на повисоко ниво и користење оружје за масовно уништување.
Руската агресија во Мариупол предизвика една од најголемите хуманитарни катастрофи. Напаѓачите бомбардираа невооружени цивили и го блокираа доаѓањето на хуманитарната помош.
Градоначалникот на Мариупол претходно изјави дека од почетокот на руската инвазија се верува дека само во градот биле убиени до 20.000 цивили. Според Главната управа за разузнавање на Министерството за одбрана на Украина, Русите распоредиле дури 13 мобилни крематориуми за согорување на телата на убиените жители. Исто така, напаѓачите се обидоа да ги идентификуваат и убијат сите потенцијални сведоци на злосторствата што веќе беа извршени во областа.
Околу 120.000 цивили остануваат во опколениот Мариупол. Се верува дека многумина биле насилно отстранети од градот и транспортирани во Русија и окупираните области на Донбас.
Командантот на украинската армија генерал Валериј Жалузниј изјави дека вчера разговарал со командантот на американската армија генерал Марк Мили за „жестоките борби на границата на регионите Харков и Изјум, одбивањето на руската офанзива во Луганск и Доњецк, како и критичната ситуација околу опколениот и разурнат Мариупол и ракетните напади низ Украина.
– Уште еднаш ја истакнав итната потреба на вооружените сили на Украина од оружје и муниција, кои ни се потребни за да ги зајакнеме нашите одбранбени капацитети, рече врховниот командант на вооружените сили на Украина, изјави Жалузниј.
подготвил Д.Мишев
