Руските сили се повлекоа од Змиски остров во близина на украинскиот брег во Црното Море како „знак на добра волја“, соопшти денеска руското Министерство за одбрана, пренесува МИА.
Министерството соопшти дека овој потег покажува дека Русија не ги попречува напорите на Обединетите нации за организирање хуманитарен коридор за извоз на земјоделски производи од Украина.
Змискиот остров, што Русија го окупираше на првиот ден од инвазијата, стекна светска слава кога украинските граничари кои беа таму го одбија барањето на руски воен брод за предавање.
