Русија е принудена да купува воена опрема од Северна Кореја бидејќи санкциите ја намалуваат способноста на Москва да ја снабдува својата војска, велат американски извори. Анонимен американски функционер изјави дека Москва е во процес на купување милиони ракети и артилериски гранати од Пјонгјанг, кои има намера да ги употреби во Украина, пишува Би Би Си.
Тој, исто така, истакна дека Русија може да биде принудена да купи дополнително севернокорејско оружје бидејќи војната трае долго време.
Купувањето од Северна Кореја е знак за „сериозен недостиг во снабдувањето“, додаде американскиот функционер, а разузнавачките податоци првпат ги објави Њујорк Тајмс.
Украинското Министерство за одбрана објави на Твитер одговор на извештајот, велејќи дека купувањето покажува дека „советското оружје го исцрпило својот потенцијал“.
.@nytimes : russia is buying weapons from North Korea.
Soviet weapons have indeed exhausted their potential.Thus ?? is switching to NATO standards.
Those who are unable to transform to NATO standards, switch to North Korean standards: be it weapons, politics,standard of living.— Defense of Ukraine (@DefenceU) September 6, 2022
Во објавата се вели дека додека Украина преминува кон стандардите на НАТО, Русија се движи во насока на стандардите на Северна Кореја, без разлика дали се работи за „оружје, политика или животни стандарди“.
Минатата недела, претставници на администрацијата на Бајден изјавија за американските медиуми дека првите пратки на беспилотни летала од Иран се испорачани во Русија.
Американски разузнавачи веруваат дека руските оператори отпатувале во Иран за да добијат обука за оружјата од сериите „Мохаџер-6“ и „Шахед“.
Иран официјално ги отфрли наводите дека испорачува оружје на која било страна од конфликтот, но во јули американскиот советник за национална безбедност Џејк Саливан истакна дека Техеран планира да и достави на Москва потенцијално стотици дронови за нејзината војна во Украина, од кои некои имаат борбени способности.