Кувајт и Шведска во Советот за безбедност на ОН поднесоа предлог-резолуција со која се поддржува 30-дневен прекин на огнот во Сирија, јави ТАСС, повикувајќи се на дипломатски извори во Светската организација.
Според предлогот „сите страни во сирискиот конфликт веднаш треба да ја почитуваат хуманитарната пауза и да вопспостават прекин на огнот во период од 30 дена”.
Воедно, со предлог-резолуцијата се бара учесниците во воените дејствија да дозволат хуманитарна помош во настраданите подрачја и да овозможат евакуација на повредените. Овие операции треба да почнат 48 часа по стапувањето на примирјето во сила.
Од учесниците во конфликтот се бара да го почитуваат меѓународното хуманитарно право, вклучувајќи и тоа да придонесат за помош на населението, да ја прекинат блокадата на населените места и да ја гарантираат безбедноста на медицинските установи.
Неименуван дипломат изјави дека се проучува предлогот, но датумот за гласање се уште не е одреден.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини
