На прашањето кој противник од ВМРО-ДПМНЕ би го посакал на изборите, градоначалникот Петре Шилегов повтори дека тој работи за интересите на градот Скопје и дека не го интересира противникот, пренесува Слободен Печат.
„На крајот од денот не можете да влијаете кој ќе ви биде, тоа ќе си го одредат тие. Ако понудата е подобра за Скопје, во ред, но не верувам дека воопшто може да се зборува кога е таа политичка партија во прашање за креирање на градските политики. Впрочем, до моето доаѓање, овој град од 1990 година на овој или оној начин беше управуван од ВМРО-ДПМНЕ, со исклучок на вториот мандат на Ристо Пенов“, изјави Шилегов за емисијата „Студио 10“.
