Шпанскиот амбасадор во САД, Сантиаго Кабанас, синоќа во Стејт департментот се сретна со заменик државниот секретар Филип Рикер и го предаде оригиналниот документ на ратификација од Пристапниот протокол за членство на Северна Македонија во НАТО. Документот неделава беше изгласан во Сенатот и потпишан од кралот на Шпанија Фелипе Шести.
„Добредојдовте во семејството на НАТО“, порача амбасадата до македонското МНР и до Северна Македонија синоќа во соопштение на Твитер.
Стејт департментот сега треба да ги извести сојузниците дека сите земји членки на воената Алијанса ги депонирале ратификациите во Канцеларијата за меѓународни спогодби. Откако ќе добие писмо од генералниот секретар Јенс Столтенберг, тоа треба да го стори и Северна Македонија, по што нашата земја и официјални ќе стане 30. земја членка на НАТО.
Embassy of Spain USA✔@SpainInTheUSA
Ambassador Santiago Cabanas presenting the Instrument of Ratification for North Macedonia
Welcome to the @NATO family, @MFA_MKD!#WeAreNATO #RNM @SpainNATO @SpainMFA
Ambassador Santiago Cabanas presenting the Instrument of Ratification for North Macedonia 
to join 
Embassy of Spain USA✔@SpainInTheUSA
El Embajador Cabanas entrega al Assistant Secretary Philip Reeker del @StateDept el Instrumento de Ratificación para la entrada de Macedonia del Norte en la @NATO, firmado por SM el Rey Felipe VI.
¡Bienvenida, @MFA_MKD, a la familia de la #OTAN! #WeAreNATO @SpainNATO @MAECgob
Во меѓународното право, САД се јавуваат во својство на депо каде се депонираат и чуваат оригиналите на сите меѓународни договори.
Во архивите на Канцеларијата за меѓународни спогодби при Стејт департментот, на пример, депонирани се оригиналните текстови на Повелбата на Обединетите Нации или Статутот за Меѓународната агенција за атомска енергија. Меѓу овие значајни историски документи за првпат ќе се најде и документ за независна Македонија, ратификацијата за членство на земјата во НАТО.
