„Смрт за предавниците“, „продадени души“, „планот на Адолф Хитлер“ се изразите кои го придружуваат повикот за денешниот протест на организациите Тврдокорни и Македонски обединети сили против законот за јазици.
Одеднаш, овие организации се претставуваат како анти-фашистички, а нивниот повик, освен со говор на омраза, изобилува со целосна дисквалификација на институциите и обвиненија на сметка на соседните држави.
„Сакаме да потенцираме дека законот за двојазичност е директна акција на албанскиот фашизам и иредентизам врз Македонија и Македонскиот народ како и рушење на темелите на асномска Македонија. Законот за двојазичноста претставува губење на придобивките од антифашистичката борба за време на Втората светска војна. Исто така, тој закон претставува продолжение на окупацијата од Втората светска војна, како и продолжение на проектот на Адолф Хитлер за создавање на голема албанска држава. Токму и затоа, политиките и постапките на нашата влада единствено може да бидат сфатени како израз на албанската фашистичка идеологија на владата на Зоран Заев. Ние сме пред се анти-фашистичка организација која се бори против албанскиот фашизам во Македонија, како и против фашизмот кој нашите соседи го искажуваат врз нас. Токму затоа, како анти-фашистичка организација ние се чувствуваме директно повикани да се бориме против албанската фашистичката идеологија и политика на владата на Зоран Заев.“ – се вели во нивното соопштение кое го пренесува Фокус.
Во текстот на Фејсбук настанот за протестот, меѓу другото, се вели: „Никој не им брани да се цивилизираат, образуваат и интегрираар, но тие не знаат ништо друго освен камења, ножеви, калашникови и наркотични сретства.“
Протестот им е закажан за 13 часот, пред Собранието на Република Македонија.
М. Л.
