Украинските војници заробени од руските сили по тримесечната опсада на фабриката за челик Азовстал се држат во „задоволителни“ услови, вели сопругата на командантот на единицата Денис Прокопенко, Катерина, која добила краток повик од нејзиниот сопруг, го пренесува Укринформ текстот објавен во Гардијан,
Сопругата рече дека на Прокопенко му било кажано дека затворениците не биле подложени на насилство. Веднаш не беше јасно дали Прокопенко можел слободно да зборува за време на разговорот.
„Тој рече дека е „Во ред“ и ме праша како сум“, изјави Катерина Прокопенко за Гардијан во вторникот. „Слушнав од други извори дека условите се повеќе или помалку задоволителни“.
„Тие се хранат, им се дава вода. Условите ги исполнуваат барањата и тие не биле подложени на насилство во овој краток период“, рече Катерина Прокопенко. „Што ќе се случи следно, се разбира, не знаеме, но во моментов има трети страни – ОН и Црвениот крст – кои ја контролираат ситуацијата“.
Повеќето од повредените борци од Азов се држат во затвор во Оленивка, село во руската окупирана област Доњецк, но помала група тешко повредени борци се во болница во градот Новоазовск, исто така окупиран од Русија.
Катерина Прокопенко рече дека според нејзините сознанија никој од борците не е однесен во Русија.
Подготви: Д.Мишев
