Претседателот на Србија Александар Вучиќ, претседателката на Хрватска Колинда Грабар-Китаровиќ и членовите на претседателството на БиХ -Драган Човиќ, Младен Иваниќ и Бакир Изетбеговиќ денеска во Мостар ќе одржат трилатерална средба.
Освен лидерската средба, предвиден е состанок и на министрите за надворешни работи.
Непосредно пред средбата закажана за денеска на пладне, Човиќ за Танјуг изјави дека очекува континуитет на претходните разговори водени во Белград, а потоа и во Загреб.
– Очекувам континуитет од претходните разговори за на некој начин да ги пресретнеме искушенијата кои се пред нас, пред земјите на југоисточна Европа кога е во прашање европскиот пат, а посебно решавање на меѓудржавните прашања. Тука, пред се, мислам на прашањата околу границите, изјави Човиќ.
Тој оцени дека ова е можност заеднички да се разгледа целосната европска перспектива и да се види како можеме едни на други да помогнеме.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.