100 дена руска агресија врз Украина
На 24 февруари наутро, руската армија презеде голема офанзива и за помалку од 24 часа руските тенкови пристигна до предградијата на Киев. Целта на Русија беше заземање на Кијив, при што би се создале услови за соборување на демократски избраната власт и поставување на про -руска влада, по примерот на окупираните градови во јужниот дел на Украина.
Анкетите и анализите претходно покажуваа дека најмалку 10 проценти од населението на Украина е подготвено да се бори, од 20 до 30 отсто се проруски ориентирани. Ситуацијата на теренот ги потврди бројките. Руските сили во јужна Украина, продирајќи од Крим, наидоа на организиран отпор.
*
Украинската амбасада во Република Северна Македонија, на својот Фејсбук профил објави дека денеска се навршуваат 100 дена од крвава и луда руска воена агресија против Украина и украинскиот народ, и дека целиот свет ја поддржува Украина во борбата со агресорот.100 дена Украина храбро и херојски се бори со руската дива орда!
*
На стоте дена војна во Украина , Би-Би-Си објави кратко видео за тоа како руските прорежимски телевизии известуваат за војната во Украина.
На почетокот од инвазијата врз Украина, што почна на 24 февруари, руската јавност беше известена дека не се води војна туку се спроведува специјална операција.
Руските сили соочени со отпорот на украинската армија, неосвојувањето на Украина и пренасочување на офанзивата кон Донбас, руските телевизии се обидоа на креативен начин да објаснат зошто Русија брзо не ја освои Украина: дека на Русите им е жал за Украинците, како и дека голем број во Украина се држат како заложници.
*
Вооружените сили на Украина ослободија 1.017 населби од руските освојувачи во текот на 100 дена сеопфатна војна, изјави заменик-шефот на Кабинетот на украинскиот претседател Кирило Тимошенко на брифингот во петокот, јави дописникот на Укринформ.
„Во ова време, вооружените сили на Украина ослободија 1.017 населби од напаѓачите, од кои 370 се веќе деминирани, додека во други работи Државната служба за вонредни состојби“, рече Тимошенко.
*
„Првично тоа беше денацификација и демилитаризација, односно експресно заземање на главниот град и големи градови во Украина на начин како што тоа им успеало во 2014 со Крим. Но кога така наречениот блиц-криг не успеал, агресорот морал да ги смени декларираните цели. Тука спаѓа намалување на влијанието на НАТО и наводно пронајдените биолошки лаборатории и ослободување на украинските територии од нацисти. Но ниту една од изнесените цели не може да оправда безумна агресја насочена кон украинскиот народ, освен таа што не сакаат јавно да ја изнесат, но е вистинита – сакаат Украина да не постои, како и нејзиниот народ, јазик и култура, изјави Тамила Велковска од Лесја Украинка за Фронтлајн.
ИЗЈАВА НА ДЕНОТ
Зеленски: Сто дена ја браниме Украина, победата ќе биде наша
Вооружените сили на Украина, владата и народот сто дена ја бранат украинската држава од руските напаѓачи и ќе победат, изјави украинскиот претседател Володимир Зеленски во видео објавено на Фејсбук.
„Лидерот на фракцијата е тука, шефот на Кабинетот на претседателот е тука, украинскиот премиер Шмихал е тука, Подолијак е тука, претседателот е тука. Нашиот тим е многу поголем. Вооружените сили на Украина се тука. Најмногу важно е нашиот народ, народот на нашата држава да е тука. Сто дена ја браниме Украина. Победата ќе биде наша“, рече Зеленски.
ЦИВИЛ: Сто дена руска брутална руска агресија и геноцид врз Украина
Херојската борба за слобода на Украина е борба за слобода на целиот свет!
Денеска се навршуваат сто дена од руската агресија врз Украина, која започна на 24 февруари. Сто дена ужас, деструкција и смрт. Геноцид.
ЦИВИЛ – Центар за слобода со згрозување ја осудува воената агресија и масакрите врз цивилите во Украина кои започнаа со тоталната инвазија на 24 февруари. Целосно неиспровоцирана, агресијата врз една независна, суверена, мирољубива и демократска земја продолжува. Воените неуспеси на теренот, путиновската солдатеска секојдневно го напаѓа цивилното население, посегнува по животите на невини луѓе, по животите на децата, спроведува тортура, стрелање и силување насекаде каде што успева да стапне.
Со воената агресија против Украина се згрозува стабилноста, развојот, безбедноста и мирот во целиот свет.
ЦИВИЛ е првата македонска организација и меѓу првите во светот што ја осуди руската воена агресија врз Украина, и во неколку наврати повика на акција.
И денес, на стотиот ден од руската агресија врз Украина, ЦИВИЛ повикува на акција.
ФЛЕШ ВЕСТИ
ШТРАЈК Највисоките тела на Сојузот на синдикати на Македонија денеска донесоа одлука за генерален штрајк што треба да се одржи на 22 јуни, доколку дотогаш не бидат исполнети нивните барања за линеарно зголемување на платите на вработените во јавниот сектор за 2.806 денари и враќање на правото за регрес за годишен одмор од 2023 година.
ДИЈАЛОГ Во Вашингтон продолжува Стратешкиот дијалог меѓу Северна Македонија и САД во кој досега се одржаа неколку сесии на кои беа отворени теми од интерес за соработка меѓу двете земји.
ЗАЕДНИЧКА ИЗЈАВА Вчера во Вашингтон се одржа првиот состанок од процесот за Стратешки дијалог меѓу Соединетите Американски Држави и Република Северна Македонија, и по тој повод Владите на двете земји објавија заедничка изјава во која се истакнува дека дијалогот е фокусиран на продлабочување на билатералното партнерство.
УСТАВЕН Во Комисијата за прашања на изборите и именувањата и денеска продолжи расправата за предлозите за уставни судии. Пратениците расправаат за кандидатурата на универзитетската професорка Родна Живковска. Комисијата вчера го утврди предлогот Фатмир Скендер, граѓански судија во Апелациониот суд во Скопје да биде избран за уставен судија.
СЛОБОДНА ЗОНА
„Целиот свет сега се соочува со само едно прашање – како да се заштитиме од лудиот путински режим? Украина го покренува ова прашање во последните 8 години, од окупацијата на Крим и одделни области на Донецката и Луганската област. Украина се обиде да не дојде до ова, но сега имаме само една цел – да победиме.
За да го направиме тоа, нам сè уште ни треба поддршка од сојузниците и пријателите, ни треба оружје со кое што ќе ја заштитуваме не само нашата земја, туку и целиот свет од тиранската руска политика.“, пишува украинската Амбасадорка, Н.Е. Наталија Задорожњук во колумната „100 дена од херојскиот отпор на Украина“.
Д. Тахири
