Северна Кореја и доставила на сириската Влада материјали кои можат да бидат искористени за производството на хемиско оружје, објави весникот „Њујорк Тајмс“, повикувајќи се на експерти на ОН.
Во соопштение на експертскиот тим задолжен за следење на состојбата со почитување на санкциите воведени од ОН кон Пјонгјанг, на кое се повикува весникот, се наведува дека меѓу материјалите доставени од Северна Кореја на Сирија има керамички плочки отпорни на киселина и вентили со термометри.
Според весникот „Њујорк тајмс“, од 2012 до 2017 година на Сирија и биле доставени најмалку 40 официјално ненајавени пратки со матријали, кои можат да се користат за цивилни, но и за воени цели, вклуително и како потенцијални компоненти за производство на хемиско оружје.
Неименуван извор од Светска организација изјавил дека тоа сепак не станува збор за материјали забранети со резолуцијата на Советот за безбедност на ОН, додавајќи дека спомнатите плочки отпорни на киселина се корисат масовно на пример во домовите во Кина.
Според изворот написот на „Њујорк Тајмс“ содржи информации кои се „несоодветни на реалноста“. Тој додава дека експерти на ОН ги обвинуваат Русија и Кина за несоодветно спроведување на санкциите во однос на зделките со нафта и јаглен и снабдувањето со луксузни стоки на Северна Кореја.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
