Новоизбраниот претседател на САД, Доналд Трамп, направи голем број назначувања на клучни позиции во неговата идна администрација.
Како што е објавно на сметката на Трамп на Truth Social, тој го назначи поранешниот шеф на Националното разузнавање, Џон Ретклиф, за директор на Централната разузнавачка агенција (ЦИА).
Трамп потсети дека Ретклиф ја разоткри „кампања на Клинтон (Хилари – уред.)“ за неговиот „лажен руски дослух“ за време на изборната трка во 2016 година.
Трамп го избра и водителот на ТВ Фокс њуз, поранешниот офицер на Националната гарда Пит Хегсет за функцијата секретар за одбрана.
„Пит е тврд, паметен и вистински верник во Америка, прво. Со Пит на чело, непријателите на Америка се на повидок – нашата војска повторно ќе биде голема, а Америка никогаш нема да се повлече“, напиша новоизбраниот претседател.
Хегсет е ветеран на Националната гарда на армијата и, според неговата веб-страница, служел во Авганистан, Ирак и Гвантанамо, Куба.
Покрај тоа, гувернерката на Јужна Дакота, Кристи Ноем, ќе ја извршува функцијата секретар за внатрешна безбедност.
„Кристи беше многу силна за безбедноста на границите“, напиша Трамп, додавајќи дека „ќе гарантира дека нашата американска татковина е безбедна од нашите противници“.
Големиот поддржувач на Трамп во изборната кампања, извршниот директор на Тесла и Платформата X, Илон Маск, и поранешниот републикански претседателски кандидат Вивек Рамасвами ќе го предводат Одделот за владина ефикасност во администрацијата на новоизбраниот претседател Доналд Трамп.
„Тие двајца исклучителни Американци ќе и помогнат на мојата администрација да ги намали непотребните регулативи и трошоци и да ги реорганизира федералните агенции – што е од клучно значење за движењето „Даја спасиме Америка“, наведе Трамп во изјавата што ја пренесе Би-би-си.
Двајцата републикански пратеници од Флорида познати по нивните цврсти ставови кон Кина се во трка за високи работни места за надворешни односи во администрацијата на новоизбраниот претседател Доналд Трамп.
Трамп во вторникот официјално го назначи Мајк Волц, претставник на Претставничкиот дом (ГОП, Флорида) за свој советник за национална безбедност, додека изтовремено, сенаторот Марко Рубио, кој го предизвика Трамп за претседателската номинација во 2016 година, е во преговори да биде негов иден државен секретар на местото на Ентони Блинкен.
Драган Мишев
