Доналд Трамп ја исклучи можноста за испраќање ракети со долг дострел во Украина, откако извештаите сугерираа дека размислува да му даде на Кијив оружје што може да погоди дури до Москва, објави Телеграф.
На прашањето во вторникот дали САД ќе испорачаат муниција за длабок удар во Украина, г-дин Трамп рече: „Не, ние не сакаме да го сториме тоа“.
Тој продолжи велејќи дека Украина не треба да го нападне рускиот главен град, додавајќи: „Јас не сум на ничија страна. Знаете на чија страна сум? На страната на човештвото“.
Ова се случи откако „Фајненшл тајмс“ објави дека г-дин Трамп му рекол на Володимир Зеленски, претседателот на Украина, дека сака Киев „да ги натера [Русите] да ја почувствуваат болката“ и да го принуди Путин на преговарачка маса, пишува Телеграф.
Белата куќа соопшти дека зборовите на г-дин Трамп биле извадени од контекст.
„Претседателот Трамп само поставуваше прашање, а не охрабруваше понатамошни убиства. Тој работи неуморно за да ги запре убиствата и да ја заврши оваа војна“, изјави за новинарите Каролин Ливит, портпаролката на Белата куќа.
Д. Т.
