Американскиот претседател Доналд Трамп потпиша наредби за значително проширување на стоките ослободени од неговите нови царини за Канада и Мексико, кои беа воведени оваа недела, објави Би-би-си, пренесува ЦИВИЛ Медиа.
Ова е втор пат за два дена Трамп да ги врати даноците на увозот од двата најголеми американски трговски партнери, мерки што ја зголемија неизвесноста за бизнисите и ги загрижија финансиските пазари.
Во средата, тој рече дека привремено ќе ги поштеди производителите на автомобили од 25% увозни давачки само еден ден откако тие стапија на сила.
Мексиканската претседателка Клаудија Шејнбаум му се заблагодари на Трамп за потегот, додека канадскиот министер за финансии рече дека земјата за возврат ќе ја задржи заканата од вториот круг одмазднички тарифи на американските производи.
Д. Мишев
